Johana wa Keerĩ 1

Kuuma kũrĩ niĩ Mũthuri wa Ũngano, Ndaandĩka marũa maya kũrĩ mũndũ-wa-nja ũrĩa mũthure, o hamwe na ciana ciake, arĩa nyendete kũna kũna, na to niĩ nyiki, no nĩ hamwe na arĩa othe mamenyete ũhoro ũrĩa wa ma:

Makamwenda tondũ wa ũhoro ũrĩa wa ma, ũrĩa ũtũũraga thĩinĩ witũ, o na ũgũtũũra na ithuĩ nginya tene:

Wega, na tha, na thayũ kuuma kũrĩ Yahweh Ithe, na kuuma kũrĩ Yahshua Messiya, o we Mũriũ wa Ithe witũ, irĩikaraga na ithuĩ thĩinĩ wa Ũhoro wa Ma, na wa Wendani.

Nĩ ngenete mũno nĩ kuona ciana imwe ciaku igĩthiĩ na njĩra ya Ũhoro Ũrĩa wa Ma, o ta ũrĩa Ithe witũ aatwathire.

Na rĩu, mũndũ-wa-nja ũyũ mwende, ti Rĩathani rĩerũ ndĩrakwandĩkĩra, no nĩ rĩrĩa tũtũire narĩo kuuma o kĩambĩrĩria. Ngũũria atĩ twendanage mũndũ na ũrĩa ũngĩ.

Naguo Wendani nĩ atĩrĩ: Atĩ tũthiage na njĩra ya gwathĩkĩra Maathani Make. O ta ũrĩa mũiguĩte kuuma o kĩambĩrĩria, Rĩathani rĩake nĩ atĩ mũthiage mũrĩ o na Wendani ũcio.

Ahenania, aingĩ arĩa matetĩkĩtie atĩ Yahshua Messiya ookire arĩ na mwĩrĩ, nĩ marorũũra gũkũ thĩ. Mũndũ ta ũcio nĩ mũhenania na nĩ mũmena-Messiya

Mwĩhũgagei nĩguo mũtigate kĩrĩa mũrutĩire wĩra, no mũtuĩke a gũkaaheo mũcara wanyu ũrĩ wothe.

Mũndũ o wothe ũkĩraga njano akarega kũrũmĩrĩra ũrutani wa Messiya, ũcio ndakoragwo na Yahweh; no ũrĩa ũikaraga ũrutani-inĩ ũcio, we arĩ na Ithe witũ o na Mũriũ.

Mũndũ o wothe angĩũka kũrĩ inyuĩ arĩ na ũrutani ũngĩ tiga ũcio-rĩ, mũtikanamũgeithie o na kana mũmwamũkĩre kwanyu mũciĩ.

Mũndũ wothe ũngĩmwamũkĩra, nĩ kũgwatanĩra magwatanĩire nake ciĩko ciake cia waganu.

Ndĩ na maũndũ maingĩ ma kũmwandĩkĩra, no ndikwenda kũhũthĩra cienyũ cia mathanjĩ na rangi. Handũ ha ũguo-rĩ, ndĩrehoka kũmũceerera njaranĩrie na inyuĩ tũkĩonanaga, nĩgetha gĩkeno giitũ kĩiganĩre.

Nĩ mwageithio nĩ ciana cia mwarĩ wa maitũguo ũrĩa mũthure.