Maũndũ ma Matukũ wa Mbere 4

Ariũ a Yahuda maarĩ Perezu, Hezironi, Karimi, Huri, na Shobali

Reaia mũrũ wa Shobali agĩtuĩka ithe wa Jahathu; Jahathu agĩtuĩka ithe wa Ahumai na Lahadi. Icio nĩcio ciarĩ nyũmba cia Azorathi

Aya nĩo maarĩ ariũ a ithe wa Etamu: Jezireeli, Ishima, na Idibasha (na mwarĩ wa ithe wao eetagwo Hazeleliponi),

nake Penueli aarĩ ithe wa Gedoru, nake Ezeri aarĩ ithe wa Husha. Acio nĩo maarĩ ariũ a Huri, irigithathi rĩa Efiratha na ithe wa Bethilehemu

Ashihuri ithe wa Tekoa aarĩ na atumia erĩ, Hela na Naara

Naara akĩmũciarĩra Ahuzamu, Heferi, Temeni, na Haahashatari. Acio nĩo maarĩ ariũ a Naara

Nao ariũ a Hela maarĩ Zerethi, Iziharu, na Ethani

Kozu agĩtuĩka ithe wa Anubu, Zobeba, na mbarĩ cia Ahariheli mũrũ wa Harumu.

Jabezu nĩwe waheetwo gĩtĩo mũno gũkĩra ariũ a ithe; na nyina aamwĩtire Jabezu, nĩ gũkorũo ooigire ũũ: “Ndamũciarire na ruo.”

Jabezu aakaĩire Kĩhoti wa Isiraeli, akĩmwĩra atĩrĩ: “Na arĩ korũo wandathima na wararamie gĩcigo gĩakwa na ũreke guoko gwaku gũkorũo hamwe na niĩ na ũũhonokie kuuma thĩna-inĩ, nĩgetha thĩna ũcio ndũkandehere ũũru!” Nĩ ũndũ ũcio Kĩhoti akĩhingia ũndũ ũcio aahoete.

Kelubu mũrũ wa ithe na Shuha agĩtuĩka ithe wa Mehiri, ũrĩa warĩ ithe wa Eshitoni

Eshitoni agĩtuĩka ithe wa Bethi-rafa, Pasea, na Tehina, ithe wa Iri-nahashu. Acio nĩo maarĩ arũme a Reka

Nao ariũ a Kenazu maarĩ Othinieli na Seraia, nake mũrũ wa Othinieli aarĩ Hathathu

Meonothai agĩtuĩka ithe wa Ofara. Seraia agĩtuĩka ithe wa Joabu ithe wa Ge-harashimu, na meetirũo ũguo tondũ maarĩ mabundi.

Ariũ a Kalebu mũrũ wa Jefune maarĩ Iru, Ela, na Naamu; nake mũrũ wa Ela aarĩ Kenazu

Ariũ a Jehaleleli maarĩ Zifu, Zifa, Tiria, na Asareli

Ariũ a Ezara maarĩ Jetheri, Meredi, Eferi, na Jaloni; akĩoha nda na agĩciara Miriamu, Shamai, na Ishiba ithe wa Eshitemoa

(Na mũtumia wake Mũyahudi agĩciara Jeredi ithe wa Gedoru, Heberi ithe wa Soko, na Jekuthieli ithe wa Zanoa.) Acio nĩo maarĩ ariũ a Bithia mwarĩ wa Firauni, ũrĩa Meredi aahikirie.

Ariũ a mũtumia wa Hodia, mwarĩ wa ithe na Nahamu, maarĩ maithe ma Keila Mũgarimi na Eshitemoa Mũmaakathi

Nao ariũ a Shimoni maarĩ Amunoni, Rina, Beni-hanani, na Tiloni. Nao ariũ a Ishi maarĩ Zohethu na Beni-zohethu.

Ariũ a Shela mũrũ wa Yahuda maarĩ Eri ithe wa Leka, Laada ithe wa Maresha, na mbarĩ cia arĩa maarutaga wĩra wa gũthondeka ngora ĩrĩa njega a nyũmba ya Ashibea,

na Jokimu, arũme a Kozeba, Joashu, na Sarafi, arĩa maatuĩkire athuri a atumia Amoabi, na Jashubi-lehemu. Rekondi ici nĩ cia tene

Maarĩ ombi a indo cia rĩũmba arĩa maaikaraga Netaimu na Gedera. Kũu nĩkuo maaikaraga na maarutagĩra mũthamaki wĩra.

Ariũ a Simeoni maarĩ Nemueli, Jamini, Jaribu, Zera, na Shaulu

Mũrũwe aarĩ Shalumu, mũrũwe Mibisamu, na mũrũwe Mishima

Nao ariũ a Mishima maarĩ mũrũwe Hamueli, mũrũwe Zakuri, mũrũwe Shimei

Na Shimei aarĩ na ariũ 16 na airĩtu 6; no ariũ a ithe matiarĩ na ariũ aingĩ, na gũtirĩ nyũmba o na ĩmwe yao yarĩ na ariũ aingĩ ta arĩa arũme a Yahuda maarĩ nao

Maaikaraga Biri-shiba, Molada, Hazaru-shuali,

Biliha, Ezemu, Toladi,

Bethueli, Horoma, Zikilagi,

Bethi-marikabothu, Hazaru-susimu, Bethi-biri, na Shaaraimu. Macio nĩmo maarĩ matũũra mao o nginya hĩndĩ ya wathani wa Daudi.

Maaikaraga Etamu, Aini, Rimoni, Tokeni, na Ashani, matũũra matano,

hamwe na icagi ciao iria ciathiũrũrũkĩirie matũũra macio gũthiĩ nginya Baali. Ũguo nĩguo maandĩkithĩtio kũringana na ndĩra ciao o hamwe na kũrĩa maaikaraga

Na Meshobabu, Jamuleki, Josha mũrũ wa Amazia,

Joeli, Yahu mũrũ wa Joshibia mũrũ wa Seraia mũrũ wa Asieli,

na Elioenai, Jaakoba, Jeshohaia, Asaia, Adieli, Jesimieli, Benaia,

na Ziza mũrũ wa Shifi mũrũ wa Aloni mũrũ wa Jedaia mũrũ wa Shimuri mũrũ wa Shemaia;

acio magwetetwo na marĩĩtwa nĩo maarĩ atongoria gatagatĩ-inĩ ka nyũmba ciao, na andũ a nyũmba ya maithe mao ma tene nĩ moongererekire makĩingĩha

Na magĩthiĩ itonyero-inĩ rĩa Gedoru, mwena wa irathĩro wa mũkuru, gũcarĩria ndũũru ciao ũrĩithio

Mũthia-inĩ makĩona kũndũ kũnoru na kũrĩ na ũrĩithio mwega, na bũrũri ũcio warĩ mwariĩ, mũhooreru, na warĩ na thayũ. Ahamu nĩo maaikaraga kuo mbere ĩyo

Andũ acio mandĩkĩtwo na marĩĩtwa mookire matukũ-inĩ ma Mũthamaki Hezekia wa Yahuda na makĩmomora hema cia Ahamu na Ameuni arĩa maarĩ kũu. Makĩmaniina magĩthira biũ nginyagia ũmũthĩ; magĩgĩikara kuo ithenya rĩao nĩ gũkorũo kũu nĩkuo ũrĩithio wa ndũũru ciao warĩ.

Asimeoni amwe, arũme 500, magĩthiĩ Kĩrĩma-inĩ gĩa Seiru marĩ hamwe na Pelatia, Nearia, Refaia, na Uzieli, ariũ a Ishi ũrĩa wamatongoririe

Na makĩũraga Aamaleki arĩa maatigarĩte arĩa meetharĩte, na matũire kũu nginyagia ũmũthĩ.