Nehemiya 10

Arĩa meekĩrire kĩrĩkanĩro kĩu mũkonde na njĩra ya kũhũũra mũhũũri maarĩ: Nehemia ũrĩa ngavana mũrũ wa Hakalia,

Seraia, Azaria, Jeremia,

Pashuru, Amaria, Malikiya,

Hatushu, Shebania, Maluku,

Harimu, Meremothu, Obadia,

Danieli, Ginethoni, Baruku,

Meshulamu, Abiya, Mijamini,

Maazia, Biligai, na Shemaia; acio maarĩ athĩnjĩri-Yahweh.

Nao Alawii arĩa meekĩrire mũkonde maarĩ: Jeshua mũrũ wa Azania, Binui wa ariũ a Henadadi, Kadimieli,

na ariũ a ithe wao, nĩo Shebania, Hodia, Kelita, Pelaia, Hanani,

Mika, Rehobu, Hashabia,

Zakuri, Sherebia, Shebania,

Hodia, Bani, na Beninu.

Nao atongoria a andũ maarĩ: Paroshu, Pahathu-moabi, Elamu, Zatu, Bani,

Buni, Azigadi, Bebai,

Adoniya, Bigivai, Adini,

Ateri, Hezekia, Azuri,

Hodia, Hashumu, Bezai,

Harifu, Anathothi, Nebai,

Magipiashu, Meshulamu, Heziri,

Meshezabeli, Zadoku, Yadua,

Pelatia, Hanani, Anaia,

Hoshea, Hanania, Hashubu,

Haloheshu, Piliha, Shobeku,

Rehumu, Hashabina, Maaseia,

Ahiya, Hanani, Anani,

Maluku, Harimu, na Baana.

Nao andũ acio angĩ othe—athĩnjĩri-Yahweh, Alawii, arangĩri a ihingo, aini, na ndungata cia hekarũ, na andũ othe arĩa meeyamũranirie na andũ a mabũrũri nĩguo marũmĩrĩre Watho wa Kĩhoti ũrĩa wa ma, o hamwe na atumia ao, ariũ ao, na airĩtu ao, arĩa othe maarĩ na ũmenyo na ũtaũku—

makĩnyitanĩra na ariũ a ithe wao, andũ ao arĩa maarĩ igweta, na makĩĩyoha na kĩrumi na mwĩhĩtwa, atĩ nĩ marĩrũmagĩrĩra Watho wa Kĩhoti ũrĩa wa ma, ũrĩa waheanĩtwo kũgerera Musa ndungata ya Kĩhoti ũrĩa wa ma, na atĩ nĩ marĩhingagia biũ maathani mothe ma Yahweh Mwathi witũ, matuĩro make ma cira, ona irĩra cia watho wake wa kũrũmĩrĩrwo

Tũtikaneana airĩtu aitũ kũrĩ andũ a bũrũri, na tũtikoya airĩtu ao nĩguo mahikio nĩ ariũ aitũ.

Andũ a bũrũri mangĩrehe indo ciao na irio cia mĩthemba yothe kwendia mũthenya wa Thabatũ, tũtikagũra kĩndũ o na kĩrĩkũ kuuma kũrĩ o mũthenya wa Thabatũ kana mũthenya mwamũre. Ningĩ tũtirĩrĩmaga mĩgũnda mwaka wa mũgwanja na nĩ tũrĩohanagĩra thiirĩ o wothe.

Ningĩ nĩ twetuĩra ithuĩ ene atĩ o mwaka o mũndũ nĩ arĩrutaga gĩcunjĩ kĩmwe harĩ ithatũ gĩa cekeri nĩ ũndũ wa ũtungata wa nyũmba ya Kĩhoti witũ,

nĩ ũndũ wa mĩgate ya kũiganĩrĩrũo, igongona rĩa mũtu rĩrĩa rĩrutagwo hingo ciothe, igongona rĩa njino rĩrĩa rĩrutagwo hingo ciothe rĩa Thabatũ na tũrũgamo twa mweri, na nĩ ũndũ wa ciathĩ cia mahinda marĩa matuĩtwo, nĩ ũndũ wa indo iria nyamũre, na nĩ ũndũ wa magongona ma mehia ma kũhumbĩra mehia ma Isiraeli, na nĩ ũndũ wa wĩra wothe wa nyũmba ya Kĩhoti witũ.

Ningĩ nĩ tũgũcuka mĩtĩ nĩ ũndũ wa ngũ iria athĩnjĩri-Yahweh, Alawii, na andũ acio angĩ magĩrĩirũo kũrehe nyũmba-inĩ ya Kĩhoti witũ kũringana na nyũmba cia maithe maitũ, mahinda marĩa matuĩtwo, mwaka o mwaka, cia gwakanaga kĩgongona-inĩ kĩa Yahweh Kĩhoti witũ, kũringana na ũrĩa kwandĩkĩtwo Watho-inĩ

Ningĩ mwaka o mwaka nĩ tũrĩrehaga nyũmba-inĩ ya Yahweh maciaro ma mbere ma mĩgũnda itũ na matunda ma mbere ma mũtĩ o wothe wa matunda,

o hamwe na ariũ aitũ a irigithathi na marigithathi ma mahiũ maitũ—kũringana na ũrĩa kwandĩkĩtwo Watho-inĩ—na marigithathi ma ng’ombe citũ na ma ng’ondu citũ. Nĩ tũrĩcirehaga nyũmba-inĩ ya Kĩhoti witũ, kũrĩ athĩnjĩri-Yahweh arĩa matungataga nyũmba-inĩ ya Kĩhoti witũ

Ningĩ kĩmere gitũ kĩambere kĩa maciaro ma mĩgũnda, mĩhothi itũ, maciaro ma mũtĩ wa mũthemba o wothe, ndibei ya mũhihano, na maguta, nĩ twagĩrĩirũo gũcitwara kũrĩ mũthĩnjĩri-Yahweh rumu-inĩ cia kũiga indo nyũmba-inĩ ya Kĩhoti witũ, o hamwe na gĩcunjĩ gĩa ikũmi kuuma mĩgũnda-inĩ itũ gĩa gũtwarĩra Alawii, tondũ Alawii nĩo macokanagĩrĩria icunjĩ cia ikũmi matũũra-inĩ maitũ mothe marĩa makoragwo na ũrĩmi.

Nake mũthĩnjĩri-Yahweh, mũrũ wa Haruni, agĩrĩirũo gũkorũo hamwe na Alawii rĩrĩa Alawii maracokanĩrĩria gĩcunjĩ gĩa ikũmi; na Alawii nĩ magĩrĩirũo kũruta gĩcunjĩ gĩa ikũmi kuuma harĩ gĩcunjĩ kĩu gĩa ikũmi matware nyũmba-inĩ ya Kĩhoti witũ, rumu-inĩ cia thitoo

Nĩ gũkorũo rumu-inĩ cia kũiga indo nĩkuo ciana cia Isiraeli na ariũ a Alawii magĩrĩirũo gũtwara mĩhothi ĩyo ya irio, ndibei ya mũhihano, na maguta, na kũu nĩkuo indo cia harĩa hamũre irĩ, o hamwe na athĩnjĩri-Yahweh arĩa matungataga, arangĩri a ihingo, na aini. Tũtigatiganĩria nyũmba ya Kĩhoti witũ.