Thaburi 122

Nĩ ndakenire rĩrĩa maanjĩrire atĩrĩ: “Nĩ tũthiĩ nyũmba-inĩ ya Yahweh.”

Na rĩu magũrũ maitũ marũgamĩte Thĩinĩ wa ihingo ciaku, wee Yahrushalayim.

Yahrushalayim yakĩtwo ta itũũra Rĩnyitithanĩtio hamwe o ta arĩ kĩndũ kĩmwe.

Mĩhĩrĩga nĩ yambatĩte kuo, Mĩhĩrĩga ya Yahu, nĩ ũira harĩ Isiraeli, Wa gũcokagĩria rĩĩtwa rĩa Yahweh ngatho.

Tondũ nĩkuo itĩ cia ũnene cia ciira ciahandirũo, Itĩ cia ũnene cia nyũmba ya Daudi.

Hoerai Yahrushalayim thayũ. Arĩa makwendete, wee itũũra rĩrĩ, marĩkoragwo o magacĩire.

Kũrothiĩ na mbere gũkorũo na thayũ thĩinĩ wa njirigo ciaku, Na ũgitĩri thĩinĩ wa nyũmba ciaku iria ndaya na igũrũ irĩ na ũgitĩri.

Nguuga ũũ nĩ ũndũ wa ariũ a ithe witũ na arata akwa: “Thĩinĩ waku kũrogĩa na thayũ.”

Nĩ ũndũ wa nyũmba ya Yahweh Kĩhoti witũ, Niĩ ndĩrĩkwendagĩra maũndũ mega.