Thaburi 130
1
Wũii Yahweh, ndĩragũkaĩra ndĩ kũrĩa kũriku mũno.
2
Igua mũgambo wakwa, wee Yahweh. Ndegera gũtũ ũigue mathaithana makwa.
3
Ũũ Yahu, korũo mahĩtia nĩmo ũroraga-rĩ, Nũũ ũngĩkĩhota kũrũgama, wee Yahweh?
4
Nĩ gũkorũo harĩ wee hena wohanĩri, Nĩguo ũtĩayagwo.
5
Niĩ ndetagĩrĩra Yahweh, ndĩmwĩrĩgagĩrĩra na muoyo wakwa wothe; Njetagĩrĩra kiugo gĩake.
6
Ngoro yakwa nĩ yetagĩrĩra Yahweh mũno, Gũkĩra ũrĩa arangĩri metagĩrĩra gũkĩe, Ti itherũ, ndĩmwetagĩrĩra gũkĩra ũrĩa arangĩri metagĩrĩra rũcinĩ.
7
Wee Isiraeli-rĩ! gĩthiĩ na mbere gweterera Yahweh, Nĩ gũkorũo harĩ we Yahweh, he na ũtugi. Na nĩ arĩ hinya mũingĩ wa gũkũũra andũ.
8
Nĩ egũkũũra Isiraeli kuuma harĩ mawaganu make mothe.