Thaburi 139

Yahweh, wee nĩ ũũthuthurĩtie, na nĩ ũnjũĩ.

Nĩ ũmenyaga rĩrĩa njikarĩte thĩ o na rĩrĩa njũkĩrĩte. Ũmenyaga meciria makwa ũrĩ o haraya.

Nĩwe waraganania tũcĩra twakwa o na harĩa ngomete; Nĩ ũĩ njĩra ciakwa ciothe.

O na rũrĩmĩ rwakwa rũtanagweta kiugo, Wee Yahweh nĩ ũkoragwo ũkĩũĩ wega.

Ũkoragwo ũndigicĩirie mbere na thutha; Na ũkaigĩrĩra guoko gwaku igũrũ rĩakwa.

Ũmenyo ta ũcio wa magegania nĩ ũkĩrĩte ũtaũku wakwa. Ũrĩ igũrũ mũno ũndũ itangĩũkinyĩra.

Nĩ kũ ingĩthiĩ njũrĩre roho waku, Na nĩ kũ ingĩthiĩ njũrĩre ũthiũ waku?

Ingĩambata igũrũ, taine, ũkoragwo kuo, Na ingĩara ũrĩrĩ wakwa thĩinĩ wa Mbĩrĩra, ũkoragwo o kuo.

Ingĩoyana na mathagu ma rũcinĩ gũgĩkĩa Thiĩ ngaikare o gĩturi-inĩ kĩa iria-inĩ,

O na kũu, guoko gwaku nokuo kũngĩndongoria Na guoko gwaku kwa ũrĩo kũũnyite.

Ingiuga atĩrĩ: “Hatarĩ nganja nĩ ngũhithwo nĩ nduma!” Hĩndĩ ĩyo ũtukũ ũrĩa ũndigicĩirie ũngĩtuĩka ũtheri.

O na nduma ndĩkoragwo ĩrĩ ndumanu harĩ wee, Na ũtukũ ũcaangararaga o ta mũthenya; Nduma no ũndũ ũmwe na ũtheri harĩ wee.

Nĩ gũkorũo nĩwe wegwatĩire higo ciakwa; Watũmire njikare hithĩtwo ndĩ thĩinĩ wa nda ya maitũ.

Nĩ ndagũcokeria ngatho, tondũ nyũmbĩtwo na njĩra ya kũmakania na ya magegania! Mawĩra maku nĩ ma magegania, Na nĩ njũĩ ũguo wega.

Mahĩndĩ makwa matiahithĩtwo kuuma maitho-inĩ maku Hĩndĩ ĩrĩa ndombĩirũo hitho-inĩ, Rĩrĩa ndanyitithanĩirio ndĩ o nguruĩ ya thĩ.

Maitho maku o na nĩ maanyonire ndĩ nda ya maitũ rĩrĩa itarĩ ũrĩa ndatariĩ; Ciĩga ciakwa ciothe cigĩkĩandĩkwo ibuku-inĩ rĩaku Ũhoro-inĩ wĩgiĩ matukũ marĩa ciombirũo, O na mbere ya kĩĩga o na kĩmwe gũkorũo kuo.

Kaĩ meciria maku makĩrĩ ma bata harĩ niĩ-ĩ! Hĩĩ! El, kaĩ mũigana wamo nĩ mũnene-ĩ!

Ingĩgeria kũmatara, nĩ maingĩ gũkĩra mũthanga wa iria-inĩ. Hĩndĩ ĩrĩa ndokĩra, ndĩ o hamwe nawe.

Ĩĩ Eloah, na arĩ korũo no ũng'ee mũndũ ũrĩa mwaganu! Ta kĩnjehererei! Inyuĩ andũ aya aiti a thakame!

O acio maragia maũndũ moru igũrũ rĩaku marĩ na unguumania; Agithia aamuku aku kiene!

Na githĩ ndithũire andũ arĩa magũthũire, wee Yahweh? O na ngamena arĩa makũremagĩra?

Nĩ ndĩmathũire na rũthũũro rũnene ma! Matuĩkĩte thũ ciakwa.

Thuthuria, wee El, ũmenye ngoro yakwa. Ngeria, ũmenye methugunda makwa.

Rora wone kana nĩ kũrĩ mĩthiĩre ya ũmaraya thĩinĩ wakwa, Na ũndongorie njĩra-inĩ ĩrĩa ĩtari gĩturi.