Thaburi 20

Yahweh arogũcokeria ihoya rĩaku mũthenya wa mĩtangĩko. Rĩĩtwa rĩa Kĩhoti wa Jakubu rĩrokũgitĩra.

Arogũtũmĩra ũteithio kuuma handũ harĩa hamũre Na agũtiirĩrĩre kuuma Zayuni.

Aroririkana magongona maku mothe; Igongona rĩaku rĩa njino arorĩtĩkĩra. (Sela)

Arokũhingĩria merirĩria ma ngoro yaku Na atũme mĩbango yaku yothe ĩgaacĩre.

Tũkwanĩrĩra tũkenete nĩ ũndũ wa ciĩko ciaku cia kũhonokania; Nĩ tũkuoya bendera citũ na igũrũ thĩinĩ wa rĩĩtwa rĩa Kĩhoti witũ. Yahweh arokũhingĩria mahoya maku mothe.

Rĩu nĩ njũĩ atĩ Yahweh nĩ ahonokagia ũrĩa wake mũitĩrĩrie maguta. Nĩ acokagia ihoya rĩake arĩ kũu gwake igũrũ kwamũre Kũgerera ũhonokio mũnene akĩhũthĩra guoko gwake kwa ũrĩo.

Andũ amwe mehokaga ngaari cia mbarathi na angĩ makehoka mbarathi, No ithuĩ tũkayagĩra rĩĩtwa rĩa Yahweh Kĩhoti witũ.

Nĩ mahĩngĩtwo na makagwa, No ithuĩ nĩ twarahũkĩte na tũgacokererio.

Atĩrĩrĩ wee Yahweh, honokia! Reke mũthamaki witũ agaatũcokeria ihoya ritũ mũthenya ũrĩa tũkaamũkaĩra atũhe ũteithio.