Thaburi 93
1
Yahweh nĩ atuĩkĩte Mũthamaki! Nĩ ehumbĩte riri; Yahweh nĩ ehumbĩte hinya; Eyohete hinya ta arĩ mũcibi. Thĩ nĩ ĩhandĩtwo ĩkarũma wega; Ndĩngĩeherio.
2
Gĩtĩ gĩaku kĩa ũnene kĩahandirũo tene mũno na gĩkĩrũma wega; Wee ũkoretwo kuo kuuma tene.
3
Atĩrĩrĩ Yahweh, njũũĩ nĩciyũkĩrĩirie mũgambo, Njũũĩ nĩ ihũyũkĩte na ikaruruma; Njũũĩ cikaraga ikĩhũyũkaga na ikaruruma.
4
Nĩ arĩ hinya gũkĩra mũgambo wa maĩ maingĩ, Nĩ arĩ ũhoti gũkĩra makũmbĩ manene ma iria, Yahweh nĩ mũnene mũno kũrĩa igũrũ.
5
Iririkania ciaku nĩ cia kwĩhokeka mũno. Gũkwĩyamũrĩra nĩ kũgemagia nyũmba yaku, wee Yahweh, hingo ciothe.