Thaburi 99

Yahweh nĩ atuĩkĩte Mũthamaki. Irĩndĩ cia andũ nĩ cinaine. Aikarĩire gĩtĩ kĩa ũnene igũrũ rĩa akerubi. Thĩ nĩ ĩthingithe.

Yahweh nĩ mũnene Zayuni, Na arĩ igũrũ rĩa ikundi ciothe cia andũ.

Nĩ magooce rĩĩtwa rĩaku inene, Tondũ nĩ rĩa gwĩtigĩrũo na nĩ rĩamũre.

Hinya wa mũthamaki ũyũ ningĩ nĩ wendete ũciranĩri wa kĩhooto. Nĩ ũhandĩte ũndũ ũrĩa mũrũngĩrĩru na ũkaũrũmia. Nĩ ũrehete kĩhooto na ũthingu harĩ Jakubu.

Tũũgĩriai Yahweh Kĩhoti witũ na mũinamĩrĩre gaturũa-inĩ ka magũrũ make; We nĩ mwamũre.

Musa na Haruni maarĩ amwe a athĩnjĩri-Yahweh ake, Nake Samueli aarĩ ũmwe wa arĩa maakayagĩra rĩĩtwa rĩake. Maakayagĩra Yahweh, Nake akamaigua.

Aamaragĩria arĩ thĩinĩ wa gĩtugĩ gĩa itu. Nĩ maarũmagĩrĩra iririkania ciake na watho ũrĩa aamaheete.

Wee Yahweh Kĩhoti witũ nĩ wamaiguaga. Warĩ El wamohagĩra mahĩtia mao, No nĩ wamaherithagia nĩ ũndũ wa ciĩko ciao cia wĩhia.

Tũũgĩriai Yahweh Kĩhoti witũ Na mũinamĩrĩre mwerekeire kĩrĩma-inĩ gĩake kĩamũre, Nĩ gũkorũo Yahweh Kĩhoti witũ nĩ mwamũre.