Thimo 22

Kaba gũthuura rĩĩtwa rĩega handũ ha ũtonga mũnene; Kũheo gĩtĩo nĩ kwega gũkĩra betha na thahabu.

Gĩtonga na mũthĩni makoragwo na ũndũ ũyũ ũhaanaine: Yahweh nĩwe wamombire eerĩ.

Mũndũ wĩna ũgerereri onaga ũgwati akehitha, No arĩa matarĩ na ũmenyeru mathiaga o na mbere nginya makaherithio.

Moimĩrĩro ma wĩnyihia na gwĩtigĩra Yahweh Nĩ ũtonga na riri na muoyo.

Mĩigua na mĩtego ĩkoragwo njĩra-inĩ ya mũndũ mũhong'oku , No ũrĩa wonaga muoyo wake wĩ wa bata aikaraga haraya nayo.

Menyeria mwana njĩra ĩrĩa agĩrĩirũo kũgera; O na rĩrĩa agaakũra ndakaamĩtiganĩria.

Gĩtonga gĩathaga mũthĩni, Na ũrĩa ũkombaga akoragwo arĩ ngombo ya ũrĩa ũmũkombeire.

Mũndũ wothe ũhandaga ũmaramari agethaga tũhũ mũtheri, Na rũthanju rũrĩa aherithagio naruo nĩ kunĩka rũkoinĩka.

Mũndũ ũrĩa wĩ ritho rĩa ũtaana nĩ arĩrathimagwo, Tondũ nĩ agayanaga irio ciake na arĩa aagi.

Ingata mũndũ wa kĩnyũrũri, Na ngũĩ nĩ ikwehera; Ngarari na hũhi nĩ igũthira.

Mũndũ ũrĩa wendete ũkembu wa ngoro, nĩ tondũ wa wega wa mĩario yake ya ũtugi mũthamaki arĩtuĩkaga mũratawe.

Maitho ma Yahweh nĩ marĩgitagĩra ũmenyo, No nĩ ang’aũranagia ciugo cia ũrĩa mwagarari watho.

Kĩgũũta kiugaga atĩrĩ: “Nja kwĩ na mũrũthi! Nĩ ngũũragĩrũo barabara-inĩ!”

Kanua ka mũka mũgeni nĩ irima iriku. Ũrĩa ũthũirwo nĩ Yahweh agũaga thĩinĩ warĩo.

Ũrimũ ũkoragwo wohanĩtio ngoro-inĩ ya mwana, No rũthanju rwa kũrũnga nĩ rũrĩweheragia ũgakorũo haraya nake.

Ũrĩa ũhinyagĩrĩria arĩa athĩni nĩguo etongie Na ũrĩa wĩtegithagia matega gwa itonga eeri gũtirĩ ũtagatuĩka mũnyamarĩku.

Inamĩrĩria gũtũ gwaku ũthikĩrĩrie ciugo cia andũ arĩa ogĩ, Tũma ngoro yaku ĩrũmagĩrĩre ũmenyo wakwa,

Tondũ nĩ ũndũ mwega ũcigage ngoro-inĩ yaku thĩinĩ, Nĩguo ciothe ikoragwo mĩromo-inĩ yaku hingo ciothe.

Nĩgetha mwĩhoko waku ũkoragwo harĩ Yahweh-rĩ, Nĩ ndakũmenyithia ũmũthĩ, o mũthenya ũyũ.

Na githĩ ndikwandĩkĩire, Ngakũhe ũtaaro mũkinyanĩru biũ na ũmenyo,

Nĩguo ngũrute wĩhokeku wa ciugo cia ũhoro wa ma, Nĩgetha ũcokerie ũhoro wa ma arĩa magũtũmire?

Ndũkanatunye athĩni atĩ tondũ nĩ athĩni, Na ndũkanahinyĩrĩrie ũrĩa ũtarĩ hinya hau kĩhingo-inĩ,

Nĩ gũkorũo Yahweh we mwene nĩ arĩmatetagĩra Na nĩ akanyamaria mĩoyo ya andũ arĩa maamanyamaririe.

Ndũgatume ndũgũ na mũndũ mũrakaru Kana ũthianie na mũndũ wakanĩtwo nĩ marakara,

Nĩguo ndũkanerute njĩra ciake wĩgĩrĩre mũtego wa kũgwatia muoyo waku.

Ndũgakoragwo gatagatĩ-inĩ ka andũ arĩa makumbatanaga moko makĩrĩkanĩra ũndũ, kana acio marũgamagĩrĩra mathiirĩ mene.

Angĩkorũo ndũrĩ na kĩndũ gĩa kũrĩha-rĩ, Ũgaatunywo ũrĩrĩ waku o ũũkomeire nĩkĩ?

Menya gũgathaamia mũtĩ wa tene wa mũhaka Ũrĩa maithe manyu ma tene maahandire!

Hihi nĩ wonete mũndũ wĩ kĩyo akohĩgĩrĩra wĩra-inĩ wake? Ũcio arĩrũgamaga mbere ya athamaki; Ndarĩrũgamaga mbere ya andũ me ũiru.