Gũcokerithia Maathani 21
“Mũndũ angĩkoonwo werũ-inĩ oragĩtwo thĩinĩ wa bũrũri ũrĩa Yahweh Kĩhoti waku arakũhe wĩgwatĩre na kwage kũmenyeka nũũ ũmũragĩte,
athuri na atuanĩri ciira aku magĩrĩirũo gũthiĩ mathime itĩĩna rĩa kuuma harĩa kĩimba kĩu kĩrĩ nginya matũũra-inĩ marĩa magĩthiũrũrũkĩirie
Nao athuri a itũũra rĩrĩa rĩrĩ hakuhĩ mũno na kĩimba kĩu magĩrĩirũo kuoya mori ĩtarĩ yarutithio wĩra kuuma rũũru-inĩ, ĩrĩa ĩtarĩ yakururia icoki,
na athuri acio a itũũra rĩu magĩrĩirũo gũtwara mori ĩyo mũkuru-inĩ ũrĩ na maĩ maratherera handũ hatarĩ harĩmwo kana hakahandwo mbegũ, macoke moinĩre mori ĩyo ngingo hau mũkuru-inĩ ũcio.
“Nao athĩnjĩri-Yahweh Alawii moke, tondũ nĩo Yahweh Kĩhoti waku athuurĩte mamũtungatagĩre, marathimanage na rĩĩtwa rĩa Yahweh. Na nĩo mariugaga ũrĩa ciira wothe wĩgiĩ ũhinya ũrĩtuagwo
Nao athuri othe a itũũra rĩu rĩrĩ hakuhĩ mũno na kĩimba kĩu magethambĩra moko igũrũ rĩa mori ĩyo yunĩirũo ngingo mũkuru-inĩ ũcio,
na macoke moige ũũ, ‘Moko maitũ timo maitĩte thakame ĩno, o na maitho maitũ matiigana kuona ĩgĩitwo
Ndũgacokererie ihĩtia rĩrĩ harĩ andũ aku Isiraeli, arĩa wakũũrire, wee Yahweh, na ndũkareke ihĩtia rĩa ũiti wa thakame ĩtarĩ na mahĩtia rĩikare harĩ andũ aku Isiraeli.’ Na nĩ ũndũ ũcio matirĩũragio nĩ ũndũ wa ihĩtia rĩu rĩa ũiti wa thakame
Na njĩra ĩyo nĩ mũrĩeheragia ihĩtia rĩa ũiti wa thakame ĩtarĩ na mahĩtia gatagatĩ-inĩ kanyu nĩ ũndũ wa gwĩka ũndũ ũrĩa wagĩrĩire maitho-inĩ ma Yahweh.
“Ũngĩgathiĩ mbaara-inĩ kũrũa na thũ ciaku na Yahweh Kĩhoti waku acitoorie akũhootanĩre na ũcinyite mĩgwate,
na gatagatĩ-inĩ ka andũ acio manyitĩtwo mĩgwate wone mũirĩtu mũthaka na ũgucĩrĩrio nĩwe na wende kũmuoya atuĩke mũtumia waku-rĩ,
no ũmũtware gwaku mũciĩ. Agĩrĩirũo kwenja njuĩrĩ ya mũtwe wake, na arenge ndwara ciake,
na arute nguo iria aanyitirũo mĩgwate nacio, na aikare gwaku mũciĩ. Acoke acakae mweri mũgima nĩ ũndũ wa ithe na nyina, na thutha ũcio no ũkome nake; ũtuĩke mũthuri wake nake atuĩke mũtumia waku
No ũngĩaga gũkenio nĩwe, wagĩrĩirũo kũmũrekereria athiĩ kũrĩa guothe angĩenda. No ndwagĩrĩirũo kũmwendia atĩ nĩguo ũgĩe na mbeca kana kũmũhinyĩrĩria, nĩ gũkorũo nĩ ũmwagithĩtie gĩtĩo.
“Mũndũ angĩkorũo ahikĩtie atumia erĩ na ende ũmwe gũkĩra ũcio ũngĩ na eerĩ mamũciarĩre ariũ na mũrũ wa irigithathi akorũo arĩ wa ũcio ũtendetwo-rĩ,
mũthenya ũrĩa akaaheana igai rĩake harĩ ariũ ake, ndageetĩkĩrio gũtua atĩ mũrũ wa mũtumia ũcio wendetwo nĩwe wa irigithathi ithenya rĩa mũrũ wa mũtumia ũcio ũtendetwo, na nĩwe wa irigithathi
No nginya onanie atĩ mũrũ wa mũtumia ũcio ũtendetwo nĩwe irigithathi na njĩra ya kũmũhe igai maita merĩ kuuma harĩ kĩrĩa gĩothe arĩ nakĩo, nĩ gũkorũo ũcio nĩwe kĩambĩrĩria kĩa ũhoti wake wa ũciari. Kĩhooto kĩa mwana wa irigithathi nĩ gĩake.
“Mũndũ angĩgakorũo na mũriũ mũng’athia na mũremi na ũtathĩkagĩra ithe kana nyina, na nĩ mageretie kũmũrũnga no akarega kũmathikĩrĩria,
ithe na nyina magĩrĩirũo kũmũnyita mamũtware nja kũrĩ athuri kĩhingo-inĩ gĩa itũũra rĩake 20 na meere athuri acio a itũũra rĩake atĩrĩ, ‘Mũriũ ũyũ witũ nĩ mũng’athia na mũremi na nĩ aregaga gũtwathĩkĩra. Akoragwo arĩ mũkoroku na mũrĩĩu.’
na meere athuri acio a itũũra rĩake atĩrĩ, ‘Mũriũ ũyũ witũ nĩ mũng’athia na mũremi na nĩ aregaga gũtwathĩkĩra. Akoragwo arĩ mũkoroku na mũrĩĩu.
Thutha ũcio andũ othe a itũũra rĩake magĩrĩirũo kũmũhũũra na mahiga nginya akue. No mũhaka weherie kĩndũ kĩũru gatagatĩ-inĩ kanyu, na andũ othe a Isiraeli nĩ makaaigua ũhoro ũcio na metigĩre.
“Mũndũ angĩgeka mehia magĩrĩire ituĩro rĩa kũũragwo na oragwo na ũmũcuurie mũtĩ igũrũ,
kĩimba gĩake gĩtiagĩrĩire gũikara mũtĩ igũrũ ũtukũ wothe. Ithenya rĩa ũguo, wagĩrĩirũo gũtigĩrĩra atĩ nĩ wamũthika mũthenya o ro ũcio, tondũ mũndũ ũrĩa ũcuurĩtio, nĩ kĩndũ kĩrume nĩ Kĩhoti, na ndwagĩrĩirũo gũthahia bũrũri ũrĩa Yahweh Kĩhoti waku arakũhe ũtuĩke igai rĩaku.