Gũcokerithia Maathani 8

“Mwagĩrĩirũo kũrũmia na kinyi maathani mothe marĩa ndĩramũhe ũmũthĩ, nĩgetha mũthiĩ na mbere gũtũũra muoyo na muongerereke na mũingĩre mwĩgwatĩre bũrũri ũrĩa Yahweh eehĩtire ũhoro waguo kũrĩ maithe manyu ma tene

Ririkana njĩra ndaya ĩrĩa Yahweh Kĩhoti waku akũgereirie werũ-inĩ mĩaka ĩyo 40, nĩguo atũme ũgĩe na wĩnyihia na akũgerie amenye kĩrĩa kĩrĩ ngoro-inĩ yaku, amenye kana nĩ ũrĩrũmagia maathani make kana ndũrĩmarũmagia

Kwoguo agĩtũma ũgĩe na wĩnyihia, akĩreka ũhũte na agĩkũhe maana, marĩa wee ũtaamenyete o na kana maithe manyu makamamenya, nĩgetha atũme ũmenye atĩ mũndũ ndatũũragio nĩ mũgate wiki no atũũragio nĩ kiugo gĩothe kiumaga kanua-inĩ ka Yahweh

Nguo iria wekĩraga itiigana gũthira, o namo magũrũ maku matiigana kũimba mĩaka ĩyo 40

Nĩ ũĩ wega ngoro-inĩ yaku atĩ o ta ũrĩa mũndũ arũngaga mũrũwe, noguo Yahweh Kĩhoti waku aakũrũngaga.

“No mũhaka ũrũmagie maathani ma Yahweh Kĩhoti waku na njĩra ya kũrũmagĩrĩra njĩra ciake na kũmwĩtigĩra

Nĩ gũkorũo Yahweh Kĩhoti waku aragũtwara bũrũri-inĩ mwega, bũrũri ũrĩ na tũrũũĩ twa maĩ, ithima na matherũkĩro maratherera mũkuru-inĩ mwaraganu na gĩcigo-inĩ kĩrĩa kĩrĩ irĩma,

bũrũri ũrĩ ngano na cairi, mĩthabibũ, mĩkũyũ, na makomamanga, bũrũri ũrĩ maguta ma ndamaiyũ na ũũkĩ,

bũrũri ũtakaaga irio na gũtirĩ kĩndũ wee ũkaaga, bũrũri ũrĩ na mahiga marĩ na kĩgera na nĩ ũkeenja gĩcango irĩma-inĩ ciaguo.

“Rĩrĩa ũgaakorũo ũrĩĩte na ũkaigania, no mũhaka ũkaagooca Yahweh Kĩhoti waku nĩ ũndũ wa bũrũri ũcio mwega agaakorũo akũheete

Ũkeemenyerera ndũkanariganĩrũo nĩ Yahweh Kĩhoti waku na njĩra ya kwaga kũrũmia maathani make, matuĩro make ma ciira, na mawatho make marĩa ndĩragwatha ũmũthĩ

Rĩrĩa ũgaakorũo ũrĩĩte na ũkaigania na ũgaka nyũmba njega na ũgaikara thĩinĩ wacio,

na rũũru rwaku rwa ng’ombe na rũũru rwaku rwa mbũri kana ng’ondu rũkongerereka nayo betha yaku na thahabu yaku ikongerereka na ũgakorũo na indo nyingĩ cia mĩthemba yothe-rĩ,

ndũkanareke ngoro yaku ĩkũrie mwĩtĩo ĩtũme ũriganĩrũo nĩ Yahweh Kĩhoti waku, ũrĩa wakũrutire bũrũri wa Misiri, kuuma nyũmba-inĩ ya ũkombo,

o we ũcio wakũgereirie werũ-inĩ mũnene na wa kũmakania, ũrĩ na nyoka irĩ thumu na tũng’aurũ na kũndũ kũũmũ gũtarĩ maĩ. Agĩtũma maĩ moime ihiga-inĩ rĩũmũ 16 na agĩkũhe maana kũu werũ-inĩ, marĩa maithe manyu mataamenyete, nĩgetha atũme ũgĩe na wĩnyihia na akũgerie nĩguo ũkaagunĩka thutha-inĩ

na agĩkũhe maana kũu werũ-inĩ, marĩa maithe manyu mataamenyete, nĩgetha atũme ũgĩe na wĩnyihia na akũgerie nĩguo ũkaagunĩka thutha-inĩ

Ũngĩkeĩra ũũ na ngoro, ‘Hinya wakwa na ũhoti wa guoko gwakwa nĩcio itũmĩte ngĩe na ũtonga ũyũ,’

wagĩrĩirũo gũkaaririkana atĩ Yahweh Kĩhoti waku nĩwe ũkũheaga hinya nĩguo ũtonge, nĩgetha ahingie kĩrĩkanĩro kĩrĩa eehĩtire ũhoro wakĩo kũrĩ maithe manyu ma tene, o ta ũrĩa kũrĩ ũmũthĩ.

“Mũngĩkariganĩrũo nĩ Yahweh Kĩhoti wanyu na mũrũmĩrĩre ihoti ingĩ mũcitungatĩre na mũcinamĩrĩre, ndaruta ũira ũmũkoniĩ ũmũthĩ atĩ hatarĩ nganja no gũthira mũgaathira

O ta ndũrĩrĩ iria Yahweh araniina mbere yanyu, ũguo noguo mũgaathira, nĩ ũndũ wa kwaga gũthikĩrĩria mũgambo wa Yahweh Kĩhoti wanyu.