Hosea 12

“Efiraimu arĩaga rũhuho. Ahanyũkagia rũhuho rwa mwena wa irathĩro mũthenya wothe. Nĩ aingĩhagia maheeni na maũndũ ma ũhinya. Marĩkanagĩra kĩrĩkanĩro na Ashuri na magatwara maguta Misiri.

Yahweh arĩ na cira na Yahuda; Nĩ akaaherithia Jakubu kũringana na mĩthiĩre yake, Na nĩ akaamũrĩha kũringana na ciĩko ciake.

Nĩ aanyitire mũrũ wa nyina ndiira arĩ thĩinĩ wa nda ya nyina, Na akĩgiana na Kĩhoti akĩhũthĩra hinya wake.

Aaikarire akĩgianaga na mũraika na agĩtooria. Akĩrĩra na akĩmũthaitha amũrathime.” Kĩhoti aamũkorire Betheli, na kũu nĩkuo aaririe na ithuĩ,

Yahweh Kĩhoti mũnene wa ita, Yahweh nĩrĩo rĩĩtwa rĩake rĩa kĩririkano.

“Nĩ ũndũ ũcio, cokerera Kĩhoti waku, Tũũria tha o na matua ma cira marũngĩrĩru, Na hingo ciothe wĩrĩgagĩrĩre Kĩhoti waku.

No guoko-inĩ kwa mũhũũri biacara kũrĩ na ratiri cia maheeni; Nĩ endete gũtunyana.

Efiraimu aikaraga akiugaga atĩrĩ, ‘Hatarĩ nganja nĩ ndongete; Nĩ ngĩĩte na indo nyingĩ. Na harĩ wĩra wakwa wothe wa mĩnoga, matingĩona ũndũ o wothe mũũru kana mehia.’

No niĩ nĩ niĩ Yahweh Kĩhoti waku kuuma rĩrĩa warĩ bũrũri-inĩ wa Misiri. Nĩ ngaatũma ũtũũrage thĩinĩ wa hema o rĩngĩ O ta matukũ-inĩ ma ihinda rĩrĩa rĩtuĩtwo.

Nĩ ndarĩirie anabii, Ngĩingĩhia cioneki ciao, Na ngĩaria na ngerekano kũgerera kũrĩ anabii acio.

Thĩinĩ wa Gileadi nĩ gũkoretwo na maheeni o na maũndũ matarĩ ma ma. Thĩinĩ wa Giligali nĩ marutĩte ndegwa magongona, Na igongona ciao itariĩ ta hĩba cia mahiga irĩ mĩtaro-inĩ ya mũgũnda.

Jakubu nĩ oorire agĩthiĩ gĩcigo-inĩ kĩa Aramu; Isiraeli aatungatire kũu nĩguo agĩe na mũka, Na akĩrangĩra ngʼondu nĩguo agĩe na mũka.

Yahweh aarutire Isiraeli kuuma Misiri akĩhũthĩra mũnabii, Na akĩmũgitĩra akĩhũthĩra mũnabii.

Efiraimu nĩ arakarĩtie Kĩhoti mũno; Mahĩtia make ma ũiti wa thakame megũikara igũrũ rĩake; Mwathi wake nĩ akaamũrĩha nĩ ũndũ wa gĩconoko kĩrĩa aamũreheire.”