Johana wa Mbere 1

Ũhoro ũrĩa warĩ kuo kuuma o kĩambĩrĩria, ũrĩa tũiguĩte, na ũrĩa tuonete na maitho maitũ, na tũkawĩrorera, namo moko maitũ makaũhutia, o ũhoro ũcio wa Kiugo kĩa muoyo, nĩguo tũhunjagia.

Muoyo ũcio nĩ wonithanirio; na ithuĩ nĩ tũwonete na tũkaheana ũira waguo, na ithuĩ tũkamũhunjagĩria ũhoro wa muoyo wa tene na tene, ũrĩa watũire na Ithe witũ, na ũkĩonithanio kũrĩ ithuĩ

Ithuĩ tũmũhunjagĩria kĩrĩa tuonete na tũkaigua, nĩgetha o na inyuĩ mũgĩe ngwatanĩro na ithuĩ. Nayo ngwatanĩro iitũ nĩ ngwatanĩro na Ithe witũ, o na Mũriũ Yahshua Messiya.

Tũramwandĩkĩra maũndũ maya nĩguo gĩkeno giitũ kĩiganĩre.

Ĩno nĩyo ndũmĩrĩri ĩrĩa tũiguĩte kuuma kũrĩ we, na nĩyo tũramũmenyithia, atĩ: Yahweh nĩ ũtheri; thĩinĩ wake gũtirĩ nduma o na hanini.

Tũngiuga atĩ tũrĩ ngwatanĩro nake, tũgĩthiaga na mĩthiĩre ya nduma-rĩ, ũguo nĩ kũhenania, naguo ũhoro wa ma ndũtũũraga thĩinĩ witũ.

No tũngĩthiĩ na ũtheri, o ta ũrĩa we arĩ ũtheri-inĩ, tũrĩ na ngwatanĩro mũndũ na ũrĩa ũngĩ, nayo thakame ya Yahshua, Mũrũ wake, nĩ ĩtũtheragia, tũgathirwo nĩ mehia mothe.

Tũngiuga tũtirĩ na mehia, nĩ kwĩhenia tũkwĩhenia, naguo ũhoro wa ma ndũrĩ thĩinĩ witũ.

Tũngiumbũra mehia maitũ-rĩ, we nĩ mwĩhokeku na nĩ wa kĩhooto, na nĩ egũtũrekera mehia maitũ na atũtherie tũthirwo nĩ maũndũ mothe marĩa matarĩ ma ũthingu.

Tũngiuga tũtiĩhĩtie-rĩ, tũkũmũtua wa maheni, naguo ũhoro wake ndũrĩ na handũ thĩinĩ witũ.