Kĩambĩrĩria 5

Ũyũ nĩ ũhoro wĩgiĩ Adamu. Mũthenya ũrĩa Yahweh oombire Adamu, aamũũmbire na mũhianĩre wa Yahweh

Aamombire marĩ mũndũrũme na mũtumia. Mũthenya ũrĩa moombirũo, nĩ aamarathimire na akĩmeta Mũndũ.

Adamu agĩtũũra mĩaka 130 agĩcoka akĩgĩa kahĩĩ kangĩ gatariĩ take, karĩ na mũhianĩre wake, na agĩgeta Sethi

Thutha wa kũgĩa Sethi, Adamu agĩtũũra mĩaka 800. Na akĩgĩa ciana ingĩ cia anake na airĩtu

Kwoguo matukũ mothe ma ũtũũro wa Adamu maarĩ mĩaka 930, agĩcoka agĩkua.

Sethi agĩtũũra mĩaka 105 agĩcoka akĩgĩa Enoshi

Thutha wa kũgĩa Enoshi, Sethi agĩtũũra mĩaka 807. Na akĩgĩa ciana ingĩ cia anake na airĩtu

Kwoguo matukũ mothe ma ũtũũro wa Sethi maarĩ mĩaka 912, agĩcoka agĩkua.

Enoshi agĩtũũra mĩaka 90 agĩcoka akĩgĩa Kenani

Thutha wa kũgĩa Kenani, Enoshi agĩtũũra mĩaka 815. Na akĩgĩa ciana ingĩ cia anake na airĩtu

Kwoguo matukũ mothe ma Enoshi maarĩ mĩaka 905, agĩcoka agĩkua.

Kenani agĩtũũra mĩaka 70 agĩcoka akĩgĩa Mahalaleli

Thutha wa kũgĩa Mahalaleli, Kenani agĩtũũra mĩaka 840. Na akĩgĩa ciana ingĩ cia anake na airĩtu

Kwoguo matukũ mothe ma Kenani maarĩ mĩaka 910, agĩcoka agĩkua.

Mahalaleli agĩtũũra mĩaka 65 agĩcoka akĩgĩa Jaredi

Thutha wa kũgĩa Jaredi, Mahalaleli agĩtũũra mĩaka 830. Na akĩgĩa ciana ingĩ cia anake na airĩtu

Kwoguo matukũ mothe ma Mahalaleli maarĩ mĩaka 895, agĩcoka agĩkua.

Jaredi agĩtũũra mĩaka 162 agĩcoka akĩgĩa Enoko

Thutha wa kũgĩa Enoko, Jaredi agĩtũũra mĩaka 800. Na akĩgĩa ciana ingĩ cia anake na airĩtu

Kwoguo matukũ mothe ma Jaredi maarĩ mĩaka 962, agĩcoka agĩkua.

Enoko agĩtũũra mĩaka 65 agĩcoka akĩgĩa Methusela

Thutha wa kũgĩa Methusela, Enoko agĩthiĩ na mbere gũtwarana na Kĩhoti ũrĩa wa ma kwa ihinda rĩa mĩaka 300. Na akĩgĩa ciana ingĩ cia anake na airĩtu

Kwoguo matukũ mothe ma Enoko maarĩ mĩaka 365

Enoko agĩthiĩ o na mbere gũtwarana na Kĩhoti ũrĩa wa ma. Agĩcoka akĩagwo, nĩ gũkorũo Yahweh nĩ aamuoire.

Methusela agĩtũũra mĩaka 187 agĩcoka akĩgĩa Lameki

Thutha wa kũgĩa Lameki, Methusela agĩtũũra mĩaka 782. Na akĩgĩa ciana ingĩ cia anake na airĩtu

Kwoguo matukũ mothe ma Methusela maarĩ mĩaka 969, agĩcoka agĩkua.

Lameki agĩtũũra mĩaka 182 agĩcoka akĩgĩa mwana wa kahĩĩ

Nake akĩmwĩta Nuhu, akiuga atĩrĩ: “Ũyũ nĩ egũtũhurũkia kuuma wĩra-inĩ witũ mũritũ na kuuma kũrĩ ruo rwa mĩnoga ya moko maitũ nĩ ũndũ wa tĩri ũrĩa Yahweh arumĩte.”

Thutha wa kũgĩa Nuhu, Lameki agĩtũũra mĩaka 595. Na akĩgĩa ciana ingĩ cia anake na airĩtu

Kwoguo matukũ mothe ma Lameki maarĩ mĩaka 777, agĩcoka agĩkua.

Thutha wa Nuhu gũkinyia mĩaka 500, akĩgĩa Shemu, Hamu, na Jafethu.