Kohelethu 7

Nĩ kaba rĩĩtwa rĩega gũkĩra maguta marĩa mega, na nĩ kaba mũthenya wa gũkua gũkĩra mũthenya wa gũciarũo

Nĩ kaba gũthiĩ nyũmba ĩrĩ na macakaya gũkĩra nyũmba ĩrĩ na ndĩa, nĩ gũkorũo ũcio nĩguo mũthia wa mũndũ o wothe, na andũ arĩa marĩ muoyo nĩ magĩrĩirũo kũiga ũndũ ũcio ngoro-inĩ ciao

Nĩ kaba mĩtangĩko gũkĩra mĩtheko, nĩ gũkorũo ũthiũ ũrĩ na kĩeha nĩ ũtũmaga ngoro yagĩre

Ngoro ya andũ arĩa ogĩ ĩkoragwo thĩinĩ wa nyũmba ĩrĩa ĩrĩ na macakaya, no ngoro ya andũ arĩa akĩgu ĩkoragwo thĩinĩ wa nyũmba ĩrĩa ĩrĩ na gĩkeno.

Nĩ kaba gũthikĩrĩria ũkĩrũngwo nĩ mũndũ mũũgĩ gũkĩra gũthikĩrĩria rwĩmbo rwa irimũ

Nĩ gũkorũo o ta ũrĩa mĩigua ĩtũratũrĩkaga ĩkĩhĩa ĩrĩ rungu rwa nyũngũ, no taguo mĩtheko ya kĩrimũ ĩtariĩ; na ũndũ ũcio o naguo no wa tũhũ

Ĩndĩ ũhinyanĩrĩria no ũtũme mũndũ mũũgĩ ahaane mũgũrũki, na ihaki no rĩthũkie ngoro.

Nĩ kaba kĩrĩkĩrĩro kĩa ũndũ gũkĩra kĩambĩrĩria kĩaguo. Nĩ kaba kũgĩa na wetereri gũkĩra gũkorũo na roho wa mwĩtĩo

Ndũkahiũhage kũrakara, tondũ marakara maikaraga gĩthũri-inĩ kĩa irimũ.

Ndũkorie atĩrĩ, “Nĩ kĩĩ gĩatũmaga matukũ ma tene makorũo marĩ mega gũkĩra maya?” nĩ gũkorũo kũũria ũguo ti ũndũ wa ũũgĩ.

Ũũgĩ hamwe na igai nĩ kĩndũ kĩega na nĩ ũguni harĩ arĩa monaga ũtheri wa mũthenya

Nĩ gũkorũo ũũgĩ nĩ ũgitĩri o ta ũrĩa mbeca o nacio ikoragwo irĩ ũgitĩri, no ũguni wa ũmenyo nĩ ũyũ: Ũũgĩ nĩ ũhonokagia muoyo wa mwene guo.

Wĩcũranie ũhoro wa wĩra wa Kĩhoti, tondũ rĩrĩ, nũũ ũngĩhota kũrũnga kĩrĩa we ogometie

Mũthenya ũrĩa mwega-rĩ, wĩcũranagie ũhoro wa wega ũcio, no mũthenya wa ũũru, ririkanaga atĩ Kĩhoti nĩwe waũthondekire o hamwe na ũcio ũngĩ, nĩguo andũ matigakoragwo na ũũma wa ũndũ o na ũrĩkũ ũrĩa ũgeekĩka harĩ o ihinda-inĩ rĩũkĩte.

Ũtũũro-inĩ wakwa wa tũhũ nĩ nyonete maũndũ mothe—ngona mũndũ mũthingu agĩthira na ũthingu wake, o na mũndũ mwaganu agĩtũũra ihinda iraya o na arĩ na ũũru wake.

Ndũkanatuĩke mũthingu makĩria, o na kana wĩyonanie ũrĩ mũũgĩ makĩria. Ũkwenda kwĩrehera mwanangĩko nĩkĩ

Ndũkanatuĩke mwaganu makĩria, o na kana ũtuĩke kĩrimũ. Ũgũkĩenda gũkua mbere ya ihinda rĩaku nĩkĩ

Nĩ wega kũrũmia mũkaana ũmwe ũtekũrekia ũcio ũngĩ; tondũ mũndũ ũrĩa wĩtigĩrĩte Kĩhoti arĩmĩathĩkagĩra yerĩ.

Ũũgĩ nĩ ũtũmaga mũndũ mũũgĩ agĩe na hinya mũno gũkĩra arũme ikũmi marĩ na ũhoti thĩinĩ wa itũũra

Nĩ gũkorũo gũtirĩ mũndũ mũthingu thĩinĩ wa thĩ wĩkaga o maũndũ mega hingo ciothe na akaga kwĩhia o na rĩ.

Ningĩ-rĩ, ndũkaigage ngoro-inĩ yaku kiugo o gĩothe kĩrĩa andũ moigaga; ũngĩka ũguo, wahota kũigua ndungata yaku ĩgĩkwendithĩria maũndũ moru;

nĩ gũkorũo nĩ ũĩ wega ngoro-inĩ yaku atĩ o nawe wanendithĩria andũ angĩ maũndũ moru maita maingĩ.

Maũndũ macio mothe nĩ ndamathuthuririe na ũũgĩ, na ngiuga ũũ: “Nĩ ngũgĩa na ũũgĩ.” No ndingĩakinyĩrire ũũgĩ ũcio

Ũndũ ũrĩa wĩkĩkĩte ndũngĩkinyĩrĩka na nĩ mũrikĩru mũno. Nũũ ũngĩhota gũtaũkĩrũo nĩguo

Nĩ nderekeirie ngoro yakwa harĩ kũmenya na gũthuthuria na gũcaria ũũgĩ na kĩrĩa gĩtũmaga maũndũ mekĩke, na gũtaũkĩrũo nĩ waganu wa ũkĩgu na ũrimũ wa ũgũrũki

Ngĩcoka ngĩmenya ũndũ ũyũ: Mũndũ-mũka ũrĩa ũkoragwo atariĩ ta neti ya mũhĩti nĩ mũrũrũ gũkĩra gĩkuũ, o ũcio ngoro yake ĩtariĩ ta neti cia gũtega, namo moko make matariĩ ta mĩnyororo ya njera. Mũndũ ũrĩa ũkenagia Kĩhoti nĩ arĩĩtharaga kuuma harĩ mũndũ-mũka ũcio, no mũndũ ũrĩa mwĩhia nĩ anyitagwo nĩwe.

Mũrutani ekuuga ũũ: “Atĩrĩrĩ, ũndũ ũyũ nĩguo ndonire, nĩ ndatuĩririe ũndũ ũmwe thutha wa ũrĩa ũngĩ nĩguo nginye gũtua itua,

no ũndũ ũrĩa thiaga na mbere gũcaria ndirĩ ndawona. Nĩ nyonete mũndũrũme ũmwe harĩ andũ ngiri, no ndionete mũndũ-wa-nja o na ũmwe harĩ acio othe

Ũndũ ũyũ wiki nĩguo nyonete: Kĩhoti oombire andũ marĩ arũngĩrĩru, no o nĩ mecarĩirie mĩbango mĩingĩ.”