Kũguũrĩrio Kwa Johana 17

Mũraika ũmwe wa acio maarĩ na mbakũri mũgwanja agĩũka akĩnjĩra ũũ: “Ũka, na nĩ ngũkuonia ituĩro rĩa mũmaraya ũrĩa mũnene ũikaragĩra maĩ maingĩ,

o we athamaki a thĩ meekire nake ciĩko cia ũmaraya, nao aikari a thĩ makĩrĩo nĩ ndibei ya ũmaraya wake.”

Na akĩnguua na hinya wa Roho akĩndwara werũ-inĩ. Ngĩona mũndũ-mũka aikarĩire nyamũ ya rangi mũtune yaiyũrĩtwo nĩ marĩĩtwa ma kũruma Yahweh na yarĩ na mĩtwe mũgwanja na hĩa ikũmi

Mũndũ-mũka ũcio eehumbĩte nguo ya rangi wa papũ na mũtune, na akegemia na mathaga ma thahabu na mahiga ma goro na ruru, na guoko-inĩ gwake aanyitĩte gĩkombe gĩa thahabu kĩiyũire maũndũ marĩ magigi na maũndũ me gĩko kĩa ũmaraya wake.

Thiithi-inĩ wake aandĩkĩtwo rĩĩtwa rĩarĩ kĩriga: “Babuloni Ũrĩa Mũnene, nyina wa maraya na wa maũndũ marĩa marĩ magigi ma thĩ.”

Na ngĩona atĩ mũndũ-mũka ũcio nĩ aarĩtwo nĩ thakame ya arĩa aamũre na akarĩo nĩ thakame ya aira a Yahshua. Na rĩrĩa ndamuonire ngĩgega mũno.

Mũraika ũcio agĩkĩnjũria atĩrĩ: “Wagegio nĩ kĩ? Nĩ ngũkwĩra ũhoro wa kĩriga kĩa mũndũ-mũka ũcio na kĩa ũhoro wa nyamũ ĩyo ĩmũkuuĩte, o ĩyo ĩrĩ na mĩtwe mũgwanja na hĩa ikũmi:

Nyamũ ĩyo wona nĩ yarĩ kuo, no rĩu ndĩrĩ kuo, na ĩrĩ hakuhĩ kwambata kuuma irima-inĩ rĩrĩa rĩtarĩ gĩturi, ĩthiĩ ĩkaanangwo. Nao aikari a thĩ—arĩa marĩĩtwa mao matandĩkĩtwo ibuku-inĩ rĩa muoyo kuuma o kĩambĩrĩria gĩa thĩ—nĩ makaagega mona ũrĩa nyamũ ĩyo yarĩ kuo, no rĩu ndĩrĩ kuo, na nĩ ĩgũcoka ĩkorũo kuo.

“Ũhoro ũyũ ũrabatara meciria ma ũũgĩ: Mĩtwe ĩyo mũgwanja nĩ irĩma mũgwanja, iria mũndũ-mũka ũcio aikarĩire igũrũ rĩacio

Na kũrĩ na athamaki mũgwanja: Atano nĩ magũĩte, ũmwe arĩ kuo, nake ũcio ũngĩ ndarĩ arakinya; no rĩrĩa agaakinya, no mũhaka agaaikara o kahinda kanini.

Na nyamũ ĩyo yarĩ kuo no rĩu ndĩrĩ kuo, ningĩ nĩ mũthamaki wa kanana, ĩndĩ yumanaga na athamaki acio mũgwanja, na ĩrathiĩ kwanangwo. 12 “Hĩa icio ikũmi wona nĩ athamaki ikũmi matarĩ maramũkĩra ũthamaki, ĩndĩ nĩ makaamũkĩra wathani matuĩke athamaki kwa ihinda rĩa ithaa rĩmwe hamwe na nyamũ ĩyo.

“Hĩa icio ikũmi wona nĩ athamaki ikũmi matarĩ maramũkĩra ũthamaki, ĩndĩ nĩ makaamũkĩra wathani matuĩke athamaki kwa ihinda rĩa ithaa rĩmwe hamwe na nyamũ ĩyo

Acio marĩ na rĩciria rĩmwe, nĩ ũndũ ũcio nĩ maheaga nyamũ ĩyo hinya na wathani wao

Nĩ makaarũa na Gatũrũme, no tondũ we nĩ Mwathi wa athani na Mũthamaki wa athamaki, Gatũrũme nĩ akaamahoota. Ningĩ, arĩa marĩ hamwe nake arĩa metĩtwo na magathurũo na ehokeku nĩ mageeka ũguo.”

Akĩnjĩra atĩrĩ: “Maĩ marĩa wona, harĩa mũmaraya ũcio aikarĩire, nĩ ikundi cia andũ na irĩndĩ na ndũrĩrĩ na thiomi.

Na hĩa icio ikũmi wona o hamwe na nyamũ ĩyo, nĩ igaathũũra mũmaraya ũcio na imwanange na imũtige arĩ njaga, na nĩ ikaarĩa nyama ciake na imũcine biũ na mwaki

Nĩ gũkorũo Yahweh nĩ ekĩrĩte ũndũ ũcio ngoro-inĩ ciao nĩguo mahingie rĩciria rĩake, mahingie rĩciria rĩao rĩmwe na njĩra ya kũhe nyamũ ĩyo ũthamaki wao, o nginya ciugo cia Yahweh igaakorũo ihingĩte

Nake mũndũ-mũka ũcio wona nĩ itũũra rĩrĩa inene rĩrĩ na ũthamaki igũrũ rĩa athamaki a thĩ.”