Malaki 1
Ĩno nĩ ndũmĩrĩri nditũ: Kiugo kĩa Yahweh kũrĩ Isiraeli kũgerera Malaki:
“Nĩ ndĩmuonetie wendo inyuĩ andũ aya,” ũguo nĩguo Yahweh ekuuga. No inyuĩ muugaga: “Ũtuonetie wendo na njĩra ĩrĩkũ?”
na Esau nĩ ndamũthũire; na ngĩtũma irĩma ciake ituĩke kũndũ gũtiganĩrie na igai rĩake ngĩrĩtigĩra ngui cia werũ-inĩ.”
“O na gũtuĩka andũ a Edomu moigaga, ‘Nĩ tũhehenjetwo, no nĩ tũgaacoka na twake rĩngĩ kũndũ kũu kwanangĩku,’ Yahweh mũnene wa ita ekuuga atĩrĩ, ‘Nĩ magaaka, no nĩ ngaamomora, na mageetagwo “gĩcigo kĩrĩa kĩa waganu” na “andũ arĩa Yahweh atuĩrĩire atĩ nĩ ehia tene na tene.”
Maitho manyu ene nĩ makoona ũndũ ũcio, na nĩ mũkoiga atĩrĩ: “Yahweh arotũũgĩrio igũrũ rĩa gĩcigo kĩa Isiraeli.”’”
“‘Mũriũ nĩ atĩaga ithe, na ndungata ĩgatĩa mwathi wayo. Nĩ ũndũ ũcio angĩkorũo ndĩ ithe wanyu-rĩ, gĩtĩo kĩrĩa kĩnjagĩrĩire kĩrĩ ha? Na angĩkorũo ndĩ mwathi wanyu-rĩ, gwĩtigĩrũo kũrĩa kũnjagĩrĩire kũrĩ ha? Ũguo nĩguo Yahweh mũnene wa ita ekũmwĩra inyuĩ athĩnjĩri-Yahweh arĩa mũnyararaga rĩĩtwa rĩakwa. “‘No inyuĩ muugaga: “Tũnyararĩte rĩĩtwa rĩaku na njĩra ĩrĩkũ?”’
“‘Na njĩra ya kũruta mĩgate ĩrĩ na thahu kĩgongona-inĩ gĩakwa.’ “‘Ningĩ muugaga atĩrĩ: “Tũgũthahĩtie na njĩra ĩrĩkũ?”’
Na rĩrĩa mũkũruta nyamũ ndumumu ĩrĩ igongona, muugaga atĩrĩ: “Ti ũũru.” Na rĩrĩa mũkũruta nyamũ nyonju kana ndwaru mũkoiga: “Ti ũũru.”’” “Ta geriai kũrutĩra ngavana wanyu nyamũ icio. Hihi nĩ egũkenio nĩ inyuĩ kana amwamũkĩre na njĩra njega?” ũguo nĩguo Yahweh mũnene wa ita ekuuga.
“Na rĩu-rĩ, thaithai El nĩguo twĩtĩkĩrĩke harĩ we. Mũkĩrutaga magongona ta macio kuuma guoko-inĩ kwanyu ene-rĩ, hihi nĩ ekwamũkĩra mũndũ o na ũmwe wanyu na njĩra njega?” ũguo nĩguo Yahweh mũnene wa ita ekuuga.
“Na nũũ gatagatĩ-inĩ kanyu ũngĩĩrutĩra kũhingaga mĩrango? Nĩ gũkorũo mũtiĩtĩkagĩra o na gwakia kĩgongona gĩakwa hatarĩ marĩhi. Ndikenagio nĩ inyuĩ o na hanini,” ũguo nĩguo Yahweh mũnene wa ita ekuuga, “na ndikenagio o na hanini nĩ igongona o rĩothe riumĩte guoko-inĩ kwanyu.”
“Nĩ gũkorũo kuuma irathĩro rĩa riũa nginya ithũĩro rĩarĩo, rĩĩtwa rĩakwa rĩgaakorũo rĩrĩ inene gatagatĩ-inĩ ka ndũrĩrĩ. Kũndũ guothe magongona nĩ magaacinwo marute ndogo, na maruta nĩ makaarutwo nĩ ũndũ wa rĩĩtwa rĩakwa, marĩ kĩheo kĩamũre; tondũ rĩĩtwa rĩakwa rĩgaakorũo rĩrĩ inene gatagatĩ-inĩ ka ndũrĩrĩ,” ũguo nĩguo Yahweh mũnene wa ita ekuuga.
“No nĩ mũrĩthahagia rĩrĩa mũkuuga atĩrĩ, ‘Metha ya Yahweh nĩ ĩthahĩtio, na maciaro mayo, irio ciayo, ciagĩrĩirũo kũnyararũo.’
Ningĩ muugaga ũũ, ‘Hĩĩ, kaĩ nĩ ũndũ ũrĩ mĩnoga-ĩ!’ na mũkamĩtembanĩria iromo,” ũguo nĩguo Yahweh mũnene wa ita ekuuga. “Na mũrehaga nyamũ cia kũiya, iria nyonju, na iria ndwaru. Ti itherũ mũrehaga indo ta icio irĩ kĩheo! Hihi nĩ njagĩrĩirũo gũkĩamũkĩra kuuma guoko-inĩ kwanyu?” ũguo nĩguo Yahweh ekuuga.
“Kũnyitwo nĩ kĩrumi nĩ mũndũ mwara ũrĩa ũrĩ na nyamũ ya njamba ĩtarĩ na kaũgũ rũũru-inĩ rwake, no akehĩta mwĩhĩtwa na akarutĩra Yahweh igongona rĩa nyamũ ĩrĩ na kaũgũ. Nĩ gũkorũo niĩ ndĩ Mũthamaki mũnene na rĩĩtwa rĩakwa rĩgaakorũo rĩrĩ rĩa kũmakania gatagatĩ-inĩ ka ndũrĩrĩ,” ũguo nĩguo Yahweh mũnene wa ita ekuuga.