Mathayo 28
Thutha wa Thabatũ, rĩrĩa mũthenya wa mbere wa kiumia wambagia, Mariamu Mũmagidali marĩ na Mariamu ũcio ũngĩ magĩthiĩ kũrora mbĩrĩra.
Na rĩrĩ, nĩ kwagĩĩte na gĩthingithia kĩnene, tondũ mũraika wa Yahweh nĩ aikũrũkĩte kuuma igũrũ na akagaragaria ihiga rĩrĩa rĩahingĩte mbĩrĩra, na nĩrĩo aikarĩire
Nake ahaanaga o ta rũheni, nacio nguo ciake ikerũha o ta mbarabu
Nao arangĩri makĩinaina mũno na makĩhaana ta andũ akuũ nĩ ũndũ wa kũmwĩtigĩra.
No mũraika akĩĩra andũ-a-nja acio atĩrĩ: “Mũtigetigĩre, nĩ gũkorũo nĩ njũĩ mũracaria Yahshua ũrĩa ũroragĩirũo mũtĩ-inĩ
Ndarĩ haha, nĩ gũkorũo nĩ ariũkĩtio, o ta ũrĩa oigĩte. Ũkai muone harĩa arakomete
Mũcoke mũthiĩ na ihenya mwĩre arutwo ake atĩ nĩ ariũkĩtio kuuma kũrĩ arĩa akuũ na nĩ egũthiĩ mbere yanyu Galili. Na nĩ mũkũmuona kũu. Na atĩrĩrĩ, nĩ ndamwĩra maũndũ macio.”
Nĩ ũndũ ũcio, makiuma hau mbĩrĩra-inĩ na ihenya marĩ na guoya na gĩkeno kĩnene, magĩtengʼera kwĩra arutwo ake ũhoro ũcio
Na rĩrĩ, Yahshua agĩtũngana nao akĩmoria: “Mũrĩ ega?” Nao makĩmũkuhĩrĩria, makĩmũnyita magũrũ na makĩmũinamĩrĩra
Nake Yahshua akĩmera ũũ: “Mũtigetigĩre! Thiĩi mũkere ariũ a Awa mathiĩ Galili, na nĩ mekũnyona kũu.”
Na rĩrĩa andũ-a-nja acio maathiaga, arangĩri amwe magĩthiĩ itũũra-inĩ na makĩmenyithia anene a athĩnjĩri-Yahweh maũndũ marĩa mothe meekĩkĩte
Na rĩrĩa magomanire hamwe na athuri na makĩarĩrĩria ũhoro ũcio, makĩhe arangĩri acio icunjĩ nyingĩ cia betha 13 makĩmera: “Muuge ũũ: ‘Arutwo ake mokire ũtukũ tũrĩ toro na maiya mwĩrĩ wake.’
makĩmera: “Muuge ũũ: ‘Arutwo ake mokire ũtukũ tũrĩ toro na maiya mwĩrĩ wake.
Na ngavana angĩigua ũhoro ũcio, nĩ tũkũmũtaarĩria na kwoguo mũtirabatara kũmaka.”
Nĩ ũndũ ũcio makĩoya icunjĩ icio cia betha na magĩka o ũrĩa meerirũo, na ũhoro ũcio nĩ ũtheremetio mũno gatagatĩ-inĩ ka Ayahudi nginyagia ũmũthĩ ũyũ.
No rĩrĩ, arutwo arĩa 11 magĩthiĩ Galili kĩrĩma-inĩ kũrĩa Yahshua aabangĩte macemanie.
Rĩrĩa maamuonire, makĩmũinamĩrĩra, no amwe ao maarĩ na nganja
Yahshua akĩmakuhĩrĩria na akĩmera ũũ: “Nĩ heetwo wathani wothe kũrĩa igũrũ o na gũkũ thĩ
Nĩ ũndũ ũcio-rĩ, thiĩi mũgatue andũ arutwo kuuma ndũrĩrĩ-inĩ ciothe, mũkĩmabatithagia thĩinĩ wa rĩĩtwa rĩa Yahshua,
mũkĩmarutaga kũrũmia maũndũ marĩa mothe ndĩmwathĩte. Na rĩrĩ, nĩ ndĩkoragwo hamwe na inyuĩ mĩthenya yothe nginya ithirĩro rĩa mũtabarĩre wa maũndũ.”