Maũndũ ma Matukũ wa Mbere 25

Ningĩ, Daudi marĩ hamwe na anene a ikundi cia ũtungata makĩamũrania ariũ amwe a Asafu, Hemani, na Jeduthuni matungatage na njĩra ya kũratha marĩ na inanda cia mũgeeto, inanda cia ndigi, na thani iria ihũũrithanagio. Aya nĩo arũme arĩa maaheirũo ũtungata ũcio,

kuuma harĩ ariũ a Asafu: Zakuri, Jusufu, Nethania, na Asharela, ariũ a Asafu rungu rwa ũtongoria wa Asafu, ũrĩa warathaga maũndũ rungu rwa ũtongoria wa mũthamaki

Kuuma harĩ Jeduthuni, ariũ a Jeduthuni: Gedalia, Zeri, Jeshaia, Shimei, Hashabia, na Matithia, maarĩ atandatũ, rungu rwa ũtongoria wa ithe wao Jeduthuni, ũrĩa warathaga maũndũ arĩ na kĩnanda kĩa mũgeeto, agĩcokagĩria Yahweh ngatho na kũmũgooca

Kuuma harĩ Hemani, ariũ a Hemani: Bukia, Matania, Uzieli, Shebueli, Jerimothu, Hanania, Hanani, Eliatha, Gidaliti, Romamuti-ezeri, Joshibekasha, Malothi, Hothiru, na Mahaziothu

Acio othe maarĩ ariũ a Hemani, ũrĩa warĩ muoni cioneki wa mũthamaki maũndũ-inĩ makonainie na Kĩhoti ũrĩa wa ma harĩ kũmũgoocithia; nĩ ũndũ ũcio Kĩhoti ũrĩa wa ma aaheire Hemani ariũ 14 na airĩtu 3.

Acio othe maarĩ rungu rwa ũtongoria wa ithe wao harĩ kũina nyũmba-inĩ ya Yahweh, marĩ na thani iria ihũũrithanagio, inanda cia ndigi, na inanda cia mũgeeto ũtungata-inĩ wa nyũmba ya Kĩhoti ũrĩa wa ma. Arĩa maarĩ rungu rwa ũtongoria wa mũthamaki maarĩ Asafu, Jeduthuni, na Hemani.

Mũigana wao o hamwe na ariũ a ithe wao arĩa maamenyeretio kũinĩra Yahweh, arĩa othe maarĩ njorua, warĩ 288.

Magĩgĩcuka mĩtĩ nĩ ũndũ wa mawĩra mao, ũrĩa mũnini o ũndũ ũmwe na ũrĩa mũnene, ũrĩa warĩ njorua o hamwe na ũrĩa werutaga.

Mũtĩ wa mbere wagũĩrĩire Asafu nĩ ũndũ wa Jusufu, wa kerĩ ũkĩgũĩra Gedalia (we o hamwe na ariũ a ithe na ariũ ake maarĩ 12);

wa gatatũ ũkĩgũĩra Zakuri, ariũ ake na ariũ a ithe, andũ 12;

wa kana ũkĩgũĩra Iziri, ariũ ake na ariũ a ithe, andũ 12;

wa gatano ũkĩgũĩra Nethania, ariũ ake na ariũ a ithe, andũ 12;

wa gatandatũ ũkĩgũĩra Bukia, ariũ ake na ariũ a ithe, andũ 12;

wa mũgwanja ũkĩgũĩra Jesharela, ariũ ake na ariũ a ithe, andũ 12;

wa kanana ũkĩgũĩra Jeshaia, ariũ ake na ariũ a ithe, andũ 12;

wa kenda ũkĩgũĩra Matania, ariũ ake na ariũ a ithe, andũ 12;

wa ikũmi ũkĩgũĩra Shimei, ariũ ake na ariũ a ithe, andũ 12;

wa 11 ũkĩgũĩra Azareli, ariũ ake na ariũ a ithe, andũ 12;

wa 12 ũkĩgũĩra Hashabia, ariũ ake na ariũ a ithe, andũ 12;

wa 13 ũkĩgũĩra Shubaeli, ariũ ake na ariũ a ithe, andũ 12;

wa 14 ũkĩgũĩra Matithia, ariũ ake na ariũ a ithe, andũ 12;

wa 15 ũkĩgũĩra Jeremothu, ariũ ake na ariũ a ithe, andũ 12;

wa 16 ũkĩgũĩra Hanania, ariũ ake na ariũ a ithe, andũ 12;

wa 17 ũkĩgũĩra Joshibekasha, ariũ ake na ariũ a ithe, andũ 12;

wa 18 ũkĩgũĩra Hanani, ariũ ake na ariũ a ithe, andũ 12;

wa 19 ũkĩgũĩra Malothi, ariũ ake na ariũ a ithe, andũ 12;

wa 20 ũkĩgũĩra Eliatha, ariũ ake na ariũ a ithe, andũ 12;

wa 21 ũkĩgũĩra Hothiru, ariũ ake na ariũ a ithe, andũ 12;

wa 22 ũkĩgũĩra Gidaliti, ariũ ake na ariũ a ithe, andũ 12;

wa 23 ũkĩgũĩra Mahaziothu, ariũ ake na ariũ a ithe, andũ 12;

wa 24 ũkĩgũĩra Romamuti-ezeri, ariũ ake na ariũ a ithe, andũ 12.