Maũndũ ma Matukũ wa Mbere 24

Na rĩrĩ, ici nĩcio ciarĩ ikundi cia njiarũa cia Haruni: Ariũ a Haruni maarĩ Nadabu, Abihu, Eliazaru, na Ithamaru

O na kũrĩ ũguo, Nadabu na Abihu maakuire mbere ya baba wao, na matiarĩ na ariũ; no Eliazaru na Ithamaru magĩthiĩ na mbere gũtungata marĩ athĩnjĩri-Yahweh

Daudi, hamwe na Zadoku kuuma harĩ ariũ a Eliazaru na Ahimeleku kuuma harĩ ariũ a Ithamaru, makĩmagayania ikundi nĩ ũndũ wa ũtungata wao ũrĩa maaheetwo

Na tondũ ariũ a Eliazaru maarĩ na atongoria aingĩ gũkĩra arĩa ariũ a Ithamaru maarĩ nao-rĩ, ũũ nĩguo maamagayanirie: Ariũ a Eliazaru maarĩ na atongoria 16 a nyũmba cia maithe mao, nao ariũ a Ithamaru maarĩ na atongoria 8 a nyũmba cia maithe mao.

Ningĩ makĩmagayania na njĩra ya gũcuka mĩtĩ, gĩkundi kĩmwe hamwe na kĩrĩa kĩngĩ, nĩ gũkorũo kwarĩ na anene a harĩa hamũre na anene a nyũmba ya Kĩhoti ũrĩa wa ma kuuma harĩ ariũ a Eliazaru na ariũ a Ithamaru

Thutha ũcio Shemaia mũrũ wa Nethaneli mwandĩki wa Alawii akĩandĩka marĩĩtwa mao arĩ mbere ya mũthamaki, anene, Zadoku mũthĩnjĩri-Yahweh, Ahimeleku mũrũ wa Abiatharu, na atongoria a nyũmba cia maithe ma athĩnjĩri-Yahweh na ma Alawii, nyũmba ĩmwe ya maithe mao ĩthuurĩtwo kuuma harĩ Eliazaru na ĩmwe ĩthuurĩtwo kuuma harĩ Ithamaru.

Mũtĩ wa mbere ũkĩgwĩra Jehoiaribu; wa kerĩ ũkĩgwĩra Jedaia,

wa gatatũ ũkĩgwĩra Harimu, wa kana ũkĩgwĩra Seorimu,

wa gatano ũkĩgwĩra Malikiya, wa gatandatũ ũkĩgwĩra Mijamini,

wa mũgwanja ũkĩgwĩra Hakozu, wa kanana ũkĩgwĩra Abiya,

wa kenda ũkĩgwĩra Yahoshua, wa ikũmi ũkĩgwĩra Shekania,

wa 11 ũkĩgwĩra Eliashibu, wa 12 ũkĩgwĩra Jakimu,

wa 13 ũkĩgwĩra Hupa, wa 14 ũkĩgwĩra Jeshebeabu,

wa 15 ũkĩgwĩra Biliga, wa 16 ũkĩgwĩra Imeri,

wa 17 ũkĩgwĩra Heziri, wa 18 ũkĩgwĩra Hapizezu,

wa 19 ũkĩgwĩra Pethahia, wa 20 ũkĩgwĩra Jehezekeli,

wa 21 ũkĩgwĩra Jakini, wa 22 ũkĩgwĩra Gamuli,

wa 23 ũkĩgwĩra Delaia, wa 24 ũkĩgwĩra Maazia.

Ũguo nĩguo maabangĩtwo nĩ ũndũ wa ũtungata wao magĩtonya nyũmba-inĩ ya Yahweh kũringana na mũtaratara ũrĩa waigĩtwo nĩ Haruni ithe wao wa tene, o ta ũrĩa Yahweh Kĩhoti wa Isiraeli aamwathĩte.

Nao Alawii acio angĩ maarĩ: kuuma harĩ ariũ a Amuramu, haarĩ na Shubaeli; kuuma harĩ ariũ a Shubaeli, Jehedeia;

kuuma harĩ Rehabia: kuuma harĩ ariũ a Rehabia, Ishia ũrĩa warĩ mũtongoria;

kuuma harĩ Aiziharu, Shelomothu; kuuma harĩ ariũ a Shelomothu, Jahathu;

na kuuma harĩ ariũ a Hebironi, Jeria ũrĩa warĩ mũtongoria, wa kerĩ aarĩ Amaria, wa gatatũ aarĩ Jahazieli, wa kana aarĩ Jekameamu;

kuuma harĩ ariũ a Uzieli, Mika; kuuma harĩ ariũ a Mika, Shamiru

Mũrũ wa ithe na Mika aarĩ Ishia; kuuma harĩ ariũ a Ishia, Zakaria.

Ariũ a Merari maarĩ Mahili na Mushi; kuuma harĩ ariũ a Jaazia, Beno

Ariũ a Merari: kuuma harĩ Jaazia, Beno, Shohamu, Zakuri, na Ibiri;

kuuma harĩ Mahili, Eliazaru, ũrĩa ũtaarĩ na ariũ;

kuuma harĩ Kishu: ariũ a Kishu, Jerameeli;

na ariũ a Mushi maarĩ Mahili, Ederi, na Jerimothu.

Na o nao magĩcuka mĩtĩ o ta ũrĩa ariũ a ithe wao ariũ a Haruni meekire marĩ mbere ya Mũthamaki Daudi, Zadoku, Ahimeleku, na atongoria a nyũmba cia maithe ma athĩnjĩri-Yahweh na ma Alawii. Ha ũhoro wĩgiĩ nyũmba cia maithe mao-rĩ, ũrĩa warĩ mũtongoria aatariĩ o ta mũrũ wa ithe ũrĩa mũnyinyi.