Maũndũ ma Matukũ wa Mbere 9

Andũ a Isiraeli othe nĩ maandĩkithĩtio kũringana na ndĩra ciao, na nĩ andĩke thĩinĩ wa Ibuku rĩa Athamaki a Isiraeli. Na andũ a Yahuda nĩ maatwarirũo ithamĩrio Babuloni nĩ ũndũ wa kwaga wĩhokeku

Aikari arĩa maarĩ a mbere gũcoka igai-inĩ rĩao thĩinĩ wa matũũra mao maarĩ ciana cia Isiraeli imwe, athĩnjĩri-Yahweh, Alawii, na ndungata cia hekarũ

Na njiarũa imwe cia Yahuda, cia Benjamini, cia Efiraimu, na cia Manase cigĩikara Yahrushalayim, na nĩcio:

Uthai mũrũ wa Amihudu mũrũ wa Omuri mũrũ wa Imuri mũrũ wa Bani, kuuma njiarũa-inĩ cia Perezu mũrũ wa Yahuda

Na kuuma harĩ Ashiloni, Asaia na nĩwe warĩ irigithathi, o hamwe na ariũ ake

Na kuuma harĩ ariũ a Zera, Jeueli hamwe na ariũ a ithe wao 690.

Na kuuma harĩ njiarũa cia Benjamini, Salu mũrũ wa Meshulamu mũrũ wa Hodavia mũrũ wa Hasenua,

Ibineia mũrũ wa Jerohamu, Ela mũrũ wa Uzi mũrũ wa Mikiri, na Meshulamu mũrũ wa Shefatia mũrũ wa Reueli mũrũ wa Ibinija

Na ariũ a ithe wao kũringana na rũciaro rwao maarĩ 956. Arũme acio othe maarĩ atongoria a nyũmba cia maithe mao.

Na kuuma harĩ athĩnjĩri-Yahweh, kwarĩ na Jedaia, Jehoiaribu, Jakini,

Azaria mũrũ wa Hilikia mũrũ wa Meshulamu mũrũ wa Zadoku mũrũ wa Meraiothu mũrũ wa Ahitubu, ũrĩa warĩ mũtongoria nyũmba-inĩ ya Kĩhoti ũrĩa wa ma,

Adaia mũrũ wa Jerohamu mũrũ wa Pashuru mũrũ wa Malikiya, Maasaiyah mũrũ wa Adieli mũrũ wa Jahazera mũrũ wa Meshulamu mũrũ wa Meshilemithu mũrũ wa Imeri,

na ariũ a ithe wao, atongoria a nyũmba cia maithe mao, njamba irĩ hinya 1,760, arũme marĩ na ũhoti na mehaarĩirie kũruta wĩra ũtungata-inĩ wa nyũmba ya Kĩhoti ũrĩa wa ma.

Na kuuma harĩ Alawii, kwarĩ na Shemaia mũrũ wa Hashubu mũrũ wa Azirikamu mũrũ wa Hashabia kuuma njiarũa-inĩ cia Merari;

na Bakabakari, Hereshi, Galali, Matania mũrũ wa Mika mũrũ wa Zikiri mũrũ wa Asafu,

Obadia mũrũ wa Shemaia mũrũ wa Galali mũrũ wa Jeduthuni, na Berekia mũrũ wa Asa mũrũ wa Elikana, ũrĩa waikaraga icagi-inĩ cia Anetofathi.

Nao arangĩri a ihingo maarĩ Shalumu, Akubu, Talimoni, Ahimani, na mũrũ wa ithe wao Shalumu ũrĩa warĩ mũtongoria,

na gũkinyĩria hĩndĩ ĩyo aakoragwo kĩhingo-inĩ kĩa mũthamaki mwena wa irathĩro. Acio nĩo maarĩ arangĩri a ihingo a kambĩ cia Alawii

Na Shalumu mũrũ wa Kore mũrũ wa Ebiasafu mũrũ wa Kora, na ariũ a ithe wao a nyũmba ya maithe mao, Akora, maarũgamagĩrĩra mawĩra ma ũtungata wa kũrangĩra mĩrango ya hema, na maithe mao maarũgamagĩrĩra kambĩ ya Yahweh marĩ arangĩri a njĩra ya kũingĩra

Mbere ĩyo Phinehasi mũrũ wa Eliazaru nĩwe warĩ mũtongoria wao; Yahweh aakoragwo hamwe nake

Zakaria mũrũ wa Meshelemia aarĩ mũrangĩri wa kĩhingo mũromo-inĩ wa hema ya gũtũnganwo.

Arĩa othe maathuurĩtwo gũkorũo marĩ arangĩri a ihingo itonyero-inĩ maarĩ 212. Maaikaraga icagi-inĩ ciao kũringana na ũrĩa maandĩkithĩtio kũringana na ndĩra ciao. Daudi na Samueli muoni maũndũ nĩo maamamũrire makĩmehokera wĩra ũcio

Andũ acio o hamwe na ariũ ao nĩo maarũgamagĩrĩra ũtungata wa ũrangĩri wa ihingo cia nyũmba ya Yahweh, nyũmba ya hema

Arangĩri acio a ihingo maakoragwo mĩena yothe ĩna—irathĩro, ithũĩro, rũgongo, na mũhuro

Rĩmwe na rĩmwe, ariũ a ithe wao maagĩrĩirũo gũka ihinda rĩa thikũ mũgwanja moimĩte icagi-inĩ ciao nĩguo matungate hamwe nao

Kwarĩ na arangĩri ana anene a ihingo arĩa meehokeirũo wĩra ũcio. Maarĩ Alawii, na nĩo maarũgamagĩrĩra tũnyũmba na igĩna cia nyũmba ya Kĩhoti ũrĩa wa ma

Maaikaraga ũtukũ wothe o mũndũ harĩa aarangagĩra, mathiũrũrũkĩirie mĩena yothe ya nyũmba ya Kĩhoti ũrĩa wa ma, nĩ gũkorũo nĩo maarũmbũyagia ũtungata wa ũrangĩri na nĩo maaigaga cabi na maahingũraga nyũmba ĩyo o rũcinĩ o rũcinĩ.

Amwe ao maarũgamagĩrĩra indo iria ciahũthagĩrũo ũtungata-inĩ; maacitaraga magĩcingĩria thĩinĩ na magacitara magĩciruta nja

Amwe ao maamũrĩtwo kũrũgamagĩrĩra indo, kũrũgamagĩrĩra indo ciothe iria nyamũre, na kũrũgamĩrĩra mũtu mũhinyu, ndibei, maguta, ũbani, na maguta ma balisamu

Ariũ amwe a athĩnjĩri-Yahweh nĩo maatukanagia indo cia gũthondeka maguta ma balisamu

Nake Matithia kuuma harĩ Alawii, ũrĩa warĩ irigithathi rĩa Shalumu Mũkohathu, nĩwe wehokeirũo wĩra wa kũrũgamĩrĩra indo ciothe iria irugagwo na rũgĩo

Ariũ a ithe wao amwe a kuuma harĩ Akohathu nĩo maarũgamagĩrĩra mĩgate ya kũiganĩrĩrũo, makamĩhaarĩria o thabatũ o thabatũ.

Acio nĩo maarĩ aini, atongoria a nyũmba cia maithe ma Alawii thĩinĩ wa tũnyũmba tũu, arĩa mataaheagwo mawĩra mangĩ; tondũ maagĩrĩirũo gũkorũo wĩra-inĩ wao mũthenya na ũtukũ

Acio maarĩ atongoria a nyũmba cia maithe ma Alawii kũringana na rũciaro rwao, nĩo maarĩ atongoria. Na maaikaraga Yahrushalayim.

Jeieli ithe wa Gibeoni aaikaraga Gibeoni. Mũtumia wake eetagwo Maaka

Na mũrũ wake wa irigithathi aarĩ Abidoni, akarũmĩrĩrũo nĩ Zuru, Kishu, Baali, Neri, Nadabu,

Gedoru, Ahio, Zakaria, na Mikilothu

Mikilothu agĩtuĩka ithe wa Shimeamu. Na othe maaikaraga hakuhĩ na ariũ a ithe wao thĩinĩ wa Yahrushalayim, hamwe na ariũ arĩa angĩ a ithe wao

Neri agĩtuĩka ithe wa Kishu; Kishu agĩtuĩka ithe wa Saulu; Saulu agĩtuĩka ithe wa Jonathani, Maliki-shua, Abinadabu, na Eshibaali

Na mũrũ wa Jonathani aarĩ Meribu-baali. Meribu-baali agĩtuĩka ithe wa Mika

Nao ariũ a Mika maarĩ Pithoni, Meleku, Taharea, na Ahazu

Ahazu agĩtuĩka ithe wa Jara; Jara agĩtuĩka ithe wa Alemethu, Azamavethu, na Zimuri. Zimuri agĩtuĩka ithe wa Moza

Moza agĩtuĩka ithe wa Binea na mũrũwe Refaia, mũrũwe Eleasa, mũrũwe Azeli

Azeli aarĩ na ariũ atandatũ, na marĩĩtwa mao maarĩ Azirikamu, Bokeru, Ishumaeli, Shearia, Obadia, na Hanani. Acio nĩo maarĩ ariũ a Azeli.