Ndari 26

Thutha wa ihũũra rĩu, Yahweh akĩarĩria Musa na Eliazaru mũrũ wa Haruni mũthĩnjĩri-Yahweh akĩmeera ũũ:

“Tarai kĩrĩndĩ gĩothe gĩa ciana Isiraeli arĩa marĩ na ũkũrũ wa kuuma mĩaka 20 gũthiĩ na igũrũ, kũringana na nyũmba cia maithe mao, mũtare arĩa othe mangĩhota gũtungata mbũtũ-inĩ thĩinĩ wa Isiraeli.”

Nĩ ũndũ ũcio Musa na Eliazaru mũthĩnjĩri-Yahweh makĩaria nao werũ-inĩ mwaraganu wa Moabi hakuhĩ na Jorodani kũng’ethera Jeriko, makĩmeera atĩrĩ:

“Tarai arĩa marĩ na ũkũrũ wa kuuma mĩaka 20 gũthiĩ na igũrũ, o ta ũrĩa Yahweh athĩte Musa.”

Rubeni irigithathi rĩa Isiraeli; ariũ a Rubeni maarĩ: kuuma harĩ Hanoku, nyũmba ya Ahanoku; kuuma harĩ Palu, nyũmba ya Apalu;

kuuma harĩ Hezironi, nyũmba ya Ahezironi; kuuma harĩ Karimi, nyũmba ya Akarimi

Icio nĩcio ciarĩ nyũmba cia Arubeni, na andũ ao arĩa maandĩkithirio maarĩ 43,730.

Mũrũ wa Palu aarĩ Eliabu

Nao ariũ a Eliabu maarĩ Nemueli, Dathani, na Abiramu. Dathani ũcio na Abiramu nĩo arĩa maarĩ aamũre gatagatĩ-inĩ ga kĩrĩndĩ arĩa mookĩrĩire Musa na Haruni marĩ hamwe na gĩkundi gĩa Kora rĩrĩa mookĩrĩire Yahweh.

Nayo thĩ ĩgĩatũka na ĩkĩmameria. Nake Kora agĩkua hamwe na arĩa maamũnyitaga mbaru rĩrĩa mwaki wacinire andũ 250. Na magĩtuĩka mũkaana harĩ arĩa angĩ

No ariũ a Kora matiakuire.

Ariũ a Simeoni kũringana na nyũmba ciao maarĩ: kuuma harĩ Nemueli, nyũmba ya Anemueli; kuuma harĩ Jamini, nyũmba ya Ajamini; kuuma harĩ Jakini, nyũmba ya Ajakini;

kuuma harĩ Zera, nyũmba ya Azera; kuuma harĩ Shaulu, nyũmba ya Ashaulu

Icio nĩcio ciarĩ nyũmba cia Asimeoni: andũ 22,200.

Ariũ a Gadi kũringana na nyũmba ciao maarĩ: kuuma harĩ Zefoni, nyũmba ya Azefoni; kuuma harĩ Hagi, nyũmba ya Ahagi; kuuma harĩ Shuni, nyũmba ya Ashuni;

kuuma harĩ Ozini, nyũmba ya Aozini; kuuma harĩ Eri, nyũmba ya Aeri;

kuuma harĩ Arodi, nyũmba ya Aarodi; kuuma harĩ Areli, nyũmba ya Aareli

Icio nĩcio ciarĩ nyũmba cia ariũ a Gadi, na andũ ao arĩa maandĩkithirio maarĩ 40,500.

Ariũ a Yahuda maarĩ Eri na Onani. No rĩrĩ, Eri na Onani nĩ maakuĩrĩire bũrũri-inĩ wa Kanaani

Nao ariũ a Yahuda kũringana na nyũmba ciao maarĩ: kuuma harĩ Shela, nyũmba ya Ashela; kuuma harĩ Perezu, nyũmba ya Aperezu; kuuma harĩ Zera, nyũmba ya Azera

Nao ariũ a Perezu maarĩ: kuuma harĩ Hezironi, nyũmba ya Ahezironi; kuuma harĩ Hamula, nyũmba ya Ahamula

Icio nĩcio ciarĩ nyũmba cia Yahuda, na andũ ao arĩa maandĩkithirio maarĩ 76,500.

Ariũ a Isakaru kũringana na nyũmba ciao maarĩ: kuuma harĩ Tola, nyũmba ya Atola; kuuma harĩ Puva, nyũmba ya Apuva;

kuuma harĩ Jashubu, nyũmba ya Ajashubu; kuuma harĩ Shimuroni, nyũmba ya Ashimuroni

Icio nĩcio ciarĩ nyũmba cia Isakaru, na andũ ao arĩa maandĩkithirio maarĩ 64,300.

Ariũ a Zebuluni kũringana na nyũmba ciao maarĩ: kuuma harĩ Seredi, nyũmba ya Aseredi; kuuma harĩ Eloni, nyũmba ya Aeloni; kuuma harĩ Jahaleeli, nyũmba ya Ajahaleeli

Icio nĩcio ciarĩ nyũmba cia Azebuluni, na andũ ao arĩa maandĩkithirio maarĩ 60,500.

Ariũ a Jusufu kũringana na nyũmba ciao maarĩ: Manase na Efiraimu

Ariũ a Manase maarĩ: kuuma harĩ Makiru, nyũmba ya Amakiru; Makiru agĩtuĩka ithe wa Gileadi; kuuma harĩ Gileadi, nyũmba ya Agileadi

Aya nĩo maarĩ ariũ a Gileadi: kuuma harĩ Iezeri, nyũmba ya Aiezeri; kuuma harĩ Heleku, nyũmba ya Aheleku;

kuuma harĩ Asirieli, nyumba ya Aasirieli; kuuma harĩ Shekemu, nyũmba ya Ashekemu;

kuuma harĩ Shemida, nyũmba ya Ashemida; kuuma harĩ Heferi, nyũmba ya Aheferi

Na rĩrĩ, Zelofehadi mũrũ wa Heferi ndaarĩ na ariũ, aarĩ na airĩtu atheri, na airĩtu acio a Zelofehadi meetagwo Mahala, Noa, Hogila, Milika, na Tiriza

Icio nĩcio ciarĩ nyũmba cia Manase, na andũ ao arĩa maandĩkithirio maarĩ 52,700.

Aya nĩo maarĩ ariũ a Efiraimu kũringana na nyũmba ciao: kuuma harĩ Shuthela, nyũmba ya Ashuthela; kuuma harĩ Bekeri, nyũmba ya Abekeri; kuuma harĩ Tahani, nyũmba ya Atahani

Nao aya nĩo maarĩ ariũ a Shuthela: kuuma harĩ Erani, nyũmba ya Aerani

Icio nĩcio ciarĩ nyũmba cia Efiraimu, na andũ ao arĩa maandĩkithirio maarĩ 32,500. Acio nĩo maarĩ ariũ a Jusufu kũringana na nyũmba ciao.

Ariũ a Benjamini kũringana na nyũmba ciao maarĩ: kuuma harĩ Bela, nyũmba ya Abela; kuuma harĩ Ashibeli, nyũmba ya Aashibeli; kuuma harĩ Ahiramu, nyũmba ya Aahiramu;

kuuma harĩ Shefufamu, nyũmba ya Ashefufamu; kuuma harĩ Hufamu, nyũmba ya Ahufamu

Ariũ a Bela maarĩ Aridi na Naamani: kuuma harĩ Aridi, nyũmba ya Aaridi; kuuma harĩ Naamani, nyũmba ya Anaamani

Acio nĩo maarĩ ariũ a Benjamini kũringana na nyũmba ciao, na andũ ao arĩa maandĩkithirio maarĩ 45,600.

Aya nĩo maarĩ ariũ a Dani kũringana na nyũmba ciao: kuuma harĩ Shuhamu, nyũmba ya Ashuhamu. Icio nĩcio ciarĩ nyũmba cia Dani kũringana na nyũmba ciao

Nyũmba-inĩ ciothe cia Ashuhamu, andũ ao arĩa maandĩkithirio maarĩ 64,400.

Ariũ a Asheri kũringana na nyũmba ciao maarĩ: kuuma harĩ Imuna, nyũmba ya Aimuna; kuuma harĩ Ishivi, nyũmba ya Aishivi; kuuma harĩ Beria, nyũmba ya Aberia;

kuuma harĩ ariũ a Beria: kuuma harĩ Heberi, nyũmba ya Aheberi; kuuma harĩ Malikieli, nyũmba ya Amalikieli

Mwarĩ wa Asheri eetagwo Sera

Icio nĩcio ciarĩ nyũmba cia ariũ a Asheri, na andũ ao arĩa maandĩkithirio maarĩ 53,400.

Ariũ a Nafitali kũringana na nyũmba ciao maarĩ: kuuma harĩ Jahazeeli, nyũmba ya Ajahazeeli; kuuma harĩ Guni, nyũmba ya Aguni;

kuuma harĩ Jezeri, nyũmba ya Ajezeri; kuuma harĩ Shilemu, nyũmba ya Ashilemu

Icio nĩcio ciarĩ nyũmba cia Nafitali kũringana na nyũmba ciao, na andũ ao arĩa maandĩkithirio maarĩ 45,400.

Ũyũ nĩguo mũigana wothe wa ciana cia Isiraeli arĩa maandĩkithirio: andũ 601,730.

Thutha ũcio Yahweh akĩra Musa ũũ:

“Bũrũri ũcio wagĩrĩire kũgayanio gatagatĩ-inĩ ka andũ acio ũrĩ igai rĩao kũringana na marĩĩtwa macio mandĩkĩtwo

Harĩ ikundi iria nenanene, wagĩrĩirũo kuongongerera igai rĩacio, nacio ikundi iria ninanini wagĩrĩirũo kũnyihanyihia igai rĩacio. O gĩkundi kĩagĩrĩire kũheo igai rĩringaine na mũigana wa andũ arĩa mandĩkithĩtio

O na kũrĩ ũguo, bũrũri ũcio wagĩrĩire kũgayanio na njĩra ya gũcuka mĩtĩ. Magĩrĩire kũheo igai rĩao kũringana na marĩĩtwa ma mĩhĩrĩga ya maithe mao

O igai rĩkaheanwo kũringana na ũrĩa gwacukwo mĩtĩ na rĩkagayanio gatagatĩ-inĩ ga ikundi iria nenanene na iria ninanini.”

Na rĩrĩ, aya nĩo andũ arĩa maandĩkithirio kuuma harĩ Alawii kũringana na nyũmba ciao: kuuma harĩ Gerishoni, nyũmba ya Agerishoni; kuuma harĩ Kohathu, nyũmba ya Akohathu; kuuma harĩ Merari, nyũmba ya Amerari

Ici nĩcio ciarĩ nyũmba cia Alawii: nyũmba ya Alibini, nyũmba ya Ahebironi, nyũmba ya Amahili, nyũmba ya Amushi, nyũmba ya Akora.

Na mũtumia wa Amuramu eetagwo Jokebedi, mwarĩ wa Lawii, ũrĩa Lawii aaciarĩirũo nĩ mũtumia wake marĩ Misiri. Nake Jokebedi agĩciarĩra Amuramu Haruni na Musa na Miriamu mwarĩ wa nyina nao

Nake Haruni agĩciarĩrũo Nadabu, Abihu, Eliazaru, na Ithamaru

No Nadabu na Abihu nĩ maakuire nĩ ũndũ wa gũtwara mwaki ũtetĩkĩrĩtio mbere ya Yahweh.

Naguo mũigana wothe wa arĩa maandĩkithirio warĩ 23,000, wa arũme othe a ũkũrũ wa kuuma mweri ũmwe gũthiĩ na igũrũ. Nĩ gũkorũo matiandĩkithirio hamwe na ciana cia Isiraeli tondũ gũtirĩ igai maaheagwo gatagatĩ-inĩ ga ciana cia Isiraeli.

Acio nĩo andũ arĩa maandĩkithirio nĩ Musa na Eliazaru mũthĩnjĩri-Yahweh rĩrĩa maandĩkithirie ciana cia Isiraeli werũ-inĩ mwaraganu wa Moabi hakuhĩ na Jorodani kũng’ethera Jeriko

No gatagatĩ-inĩ kao gũtiarĩ mũndũ o na ũmwe waandĩkithĩtio nĩ Musa na Haruni mũthĩnjĩri-Yahweh rĩrĩa maatarire ciana cia lsiraeli werũ-inĩ wa Sinai

Nĩ gũkorũo Yahweh ooigĩte ũũ ũhoro-inĩ wao: “Hatarĩ nganja megũkuĩra werũ-inĩ ũyũ.” Kwoguo gũtirĩ mũndũ o na ũmwe wao watigarĩte tiga Kalebu mũrũ wa Jefune na Joshua mũrũ wa Nuni.