Nehemiya 12

Aya nĩo athĩnjĩri-Yahweh na Alawii arĩa maambatire hamwe na Zerubabeli mũrũ wa Shealitieli na Jeshua: Seraia, Jeremia, Ezara,

Amaria, Maluku, Hatushu,

Shekania, Rehumu, Meremothu,

Ido, Ginethoi, Abiya,

Mijamini, Maadia, Biliga,

Shemaia, Joiaribu, Jedaia,

Salu, Amoku, Hilikia, na Jedaia. Acio nĩo maarĩ atongoria a athĩnjĩri-Yahweh na a ariũ a ithe wao matukũ-inĩ ma Jeshua.

Nao Alawii maarĩ, Jeshua, Binui, Kadimieli, Sherebia, Yahuda, na Matania, ũrĩa watongoragia nyĩmbo cia gũcokia ngatho marĩ hamwe na ariũ a ithe

Nao ariũ a ithe wao, Bakabukia na Uni maarũgamaga mang’ethanĩire nao makĩruta wĩra wao wa kũrangĩra

Jeshua agĩtuĩka ithe wa Joiakimu, nake Joiakimu agĩtuĩka ithe wa Eliashibu, nake Eliashibu agĩtuĩka ithe wa Joiada

Nake Joiada agĩtuĩka ithe wa Jonathani, nake Jonathani agĩtuĩka ithe wa Yadua.

Matukũ-inĩ ma Joiakimu, aya nĩo maarĩ athĩnjĩri-Yahweh, atongoria a nyũmba cia maithe mao: nyũmba ya Seraia, nĩ Meraia; nyũmba ya Jeremia, nĩ Hanania;

nyũmba ya Ezara, nĩ Meshulamu; nyũmba ya Amaria, nĩ Jehohanani;

nyũmba ya Maluki, nĩ Jonathani; nyũmba ya Shebania, nĩ Jusufu;

nyũmba ya Harimu, nĩ Adina; nyũmba ya Meraiothu, nĩ Helikai;

nyũmba ya Ido, nĩ Zakaria; nyũmba ya Ginethoni, nĩ Meshulamu;

nyũmba ya Abiya, nĩ Zikiri; nyũmba ya

nyũmba ya Biliga, nĩ Shamua; nyũmba ya Shemaia, nĩ Jehonathani;

nyũmba ya Joiaribu, nĩ Matenai; nyũmba ya Jedaia, nĩ Uzi;

nyũmba ya Salai, nĩ Kalai; nyũmba ya Amoku, nĩ Eberi;

nyũmba ya Hilikia, nĩ Hashabia; nyũmba ya Jedaia, nĩ Nethaneli.

Atongoria a nyũmba cia maithe ma Alawii matukũ-inĩ ma Eliashibu, Joiada, Johanani, na Yadua, nĩ maandĩkĩtwo rekondi-inĩ, o hamwe na athĩnjĩri-Yahweh, o nginya hĩndĩ ya ũthamaki wa Dario ũrĩa Mũperisia.

Alawii arĩa maarĩ atongoria a nyũmba cia maithe mao maandĩkĩtwo ibuku-inĩ rĩa maũndũ ma matukũ macio, o nginya matukũ-inĩ ma Johanani mũrũ wa Eliashibu

Atongoria a Alawii maarĩ, Hashabia, Sherebia, na Jeshua mũrũ wa Kadimieli, nao ariũ a ithe wao maarũgamaga mang’ethanĩire nao nĩguo magooce na macokie ngatho kũringana na uuge wa Daudi mũndũ wa Kĩhoti ũrĩa wa ma, gĩkundi gĩa kũrangĩra gĩkarigania na gĩkundi kĩngĩ gĩa kũrangĩra

Nao Matania, Bakabukia, Obadia, Meshulamu, Talimoni, na Akubu maarĩ arangĩri a ihingo, makarangĩra rumu cia kũiga indo iria ciarĩ hakuhĩ na ihingo

Acio nĩo maatungataga matukũ-inĩ ma Joiakimu mũrũ wa Jeshua mũrũ wa Jozadaki na matukũ-inĩ ma Nehemia ũrĩa ngavana na Ezara ũrĩa mũthĩnjĩri-Yahweh na mwandĩki.

Na hĩndĩ ya kũrugũrio gwa thingo cia Yahrushalayim, magĩcaria Alawii kũrĩa guothe maaikaraga makĩmatwara Yahrushalayim nĩguo makũngũĩre kũrugũrio gwa thingo icio makenete na nyĩmbo cia gũcokia ngatho, na thani iria ihũũrithanagio, inanda cia ndigi, na inanda cia mũgeeto

Nao ariũ a aini makĩũngana moimĩte gĩcigo-inĩ kĩu, kuuma matũũra mothe marĩa maathiũrũrũkĩirie Yahrushalayim, kuuma matũũra-inĩ ma Anetofathi,

kuuma Bethi-giligali, na kuuma ithaka cia Geba na Azamavethu, tondũ aini meeyakĩire matũũra kũndũ guothe kũrĩa gwathiũrũrũkĩirie Yahrushalayim

Nao athĩnjĩri-Yahweh na Alawii makĩĩyamũrĩra Yahweh, na makĩamũra andũ, ihingo, na rũthingo rũu.

Thutha ũcio ngĩtwara anene a Yahuda rũthingo-inĩ rũu igũrũ. Ngĩcoka ngĩamũra ikundi igĩrĩ nene cia aini a nyĩmbo cia gũcokia ngatho na ikundi cia kũmarũmĩrĩra, na kĩmwe gĩkĩgerera mwena wa ũrĩo igũrũ rĩa rũthingo rũu kĩerekeire Kĩhingo-inĩ kĩa Hĩba cia Mũhu

Hoshaia na nuthu ya anene a Yahuda magĩthiĩ mamoimĩte thutha,

marĩ hamwe na Azaria, Ezara, Meshulamu,

Yahuda, Benjamini, Shemaia, na Jeremia

Maarĩ hamwe na ariũ amwe a athĩnjĩri-Yahweh arĩa maarĩ na tũrumbeta: Zakaria mũrũ wa Jonathani mũrũ wa Shemaia mũrũ wa Matania mũrũ wa Mikaia mũrũ wa Zakuri mũrũ wa Asafu,

na ariũ a ithe, Shemaia, Azareli, Milalai, Gilalai, Maai, Nethaneli, Yahuda, na Hanani, marĩ na indo cia ũini cia Daudi mũndũ wa Kĩhoti ũrĩa wa ma; nake Ezara ũrĩa mwandĩki agĩthiĩ arĩ mbere yao

Na Kĩhingo-inĩ gĩa Itherũkĩro magĩthiĩ marũngĩrĩirie mahĩtũkĩire igũrũ rĩa Ngathĩ ya Itũũra rĩa Daudi mwambato-inĩ wa rũthingo igũrũ rĩa Nyũmba ya Daudi o nginya Kĩhingo-inĩ kĩa Maĩ mwena wa irathĩro.

Nakĩo gĩkundi kĩu kĩngĩ kĩa aini a nyĩmbo cia gũcokia ngatho gĩkĩgerera mwena ũcio ũngĩ, na ngĩkiuma thutha tũrĩ hamwe na nuthu ya andũ, tũgereire rũthingo igũrũ Nyũmba-inĩ Ndaya na Igũrũ ya Mariiko o nginya Rũthingo-inĩ Rũrĩa Rwariĩ,

na igũrũ rĩa Kĩhingo kĩa Efiraimu kũgerera igũrũ rĩa Kĩhingo Kĩrĩa gĩa Tene o nginya Kĩhingo-inĩ gĩa Thamaki, Nyũmba-inĩ Ndaya na Igũrũ ya Hananeli, Nyũmba-inĩ Ndaya na Igũrũ ya Mea, o nginya Kĩhingo-inĩ kĩa Ng’ondu; makĩrũgama Kĩhingo-inĩ kĩa Arangĩri.

Thutha ũcio ikundi icio cierĩ cia aini a nyĩmbo cia gũcokia ngatho ikĩrũgama mbere ya nyũmba ya Kĩhoti ũrĩa wa ma; na o na niĩ ngĩrũgama tũrĩ hamwe na nuthu ya atongoria,

o na athĩnjĩri-Yahweh, nĩo Eliakimu, Maaseia, Miniaminu, Mikaia, Elioenai, Zakaria, na Hanania, marĩ na tũrumbeta,

na Maaseia, Shemaia, Eliazaru, Uzi, Jehohanani, Malikiya, Elamu, na Ezeri. Nao aini makĩina manĩrĩire marũgamĩrĩirũo nĩ Izirahia.

Mũthenya ũcio makĩruta magongona maingĩ na magĩkena tondũ Kĩhoti ũrĩa wa ma nĩ aatũmĩte macanjamũke marĩ na gĩkeno kĩnene. O na andũ-a-nja na ciana magĩkena, nginya gĩkeno kĩu kĩarĩ Yahrushalayim gĩkĩiguĩka kũndũ kũraya.

Na mũthenya ũcio nĩ kwaamũrirũo andũ a kũrũgamĩrĩra nyũmba cia kũiga mĩhothi, maciaro ma mbere, na icunjĩ cia ikũmi. Nyũmba icio nĩcio andũ acio maagĩrĩirũo gũtwara indo iria ciarutagwo kuuma mĩgũnda-inĩ ya matũũra iria Watho woigĩte irutagwo irĩ cia athĩnjĩri-Yahweh na Alawii, nĩ gũkorũo nĩ kwarĩ na gĩkeno thĩinĩ wa Yahuda tondũ wa athĩnjĩri-Yahweh na Alawii arĩa maatungataga

Nao makĩambĩrĩria ũtungata wa Kĩhoti wao hamwe na kwĩyamũra, na o na aini na arĩa maarangagĩra ihingo makĩambĩrĩria wĩra wao, kũringana na uuge wa Daudi na wa mũrũwe Suleimani

Nĩ gũkorũo tene matukũ-inĩ ma Daudi na Asafu, nĩ gwakoragwo na arũgamĩrĩri a aini na a kũrũgamĩrĩra nyĩmbo cia kũgooca na cia gũcokeria Kĩhoti ngatho

Na matukũ-inĩ ma Zerubabeli na matukũ-inĩ ma Nehemia, andũ a Isiraeli othe nĩ maarutire indo iria ciarutagwo kũrĩ aini na arĩa maarangagĩra, kũringana na mabataro ma o mũthenya. Ningĩ nĩ maamũraga indo iria ciarutagwo nĩ ũndũ wa Alawii, nao Alawii makaamũra indo iria ciarutagwo nĩ ũndũ wa njiarũa cia Haruni.