Thaburi 116

Nĩ nyendete Yahweh Tondũ nĩ aiguaga mũgambo wakwa, nĩ aiguaga mathaithana makwa ngĩmũhoya ũteithio.

Nĩ gũkorũo nĩ andegagĩra gũtũ gwake, Na nĩ ndĩrĩmũkayagĩra rĩrĩa rĩothe ngũtũũra muoyo.

Mĩkwa ya gĩkuũ nĩ yandigicĩirie; Ndarĩ mũnyite nĩ Mbĩrĩra. Nĩ ndatooretio nĩ mĩtangĩko na kĩeha.

No ngĩkaĩra rĩĩtwa rĩa Yahweh ngiuga: “Honokia, wee Yahweh!”

Yahweh nĩ muuma-andũ na nĩ mũthingu; Kĩhoti witũ nĩ arĩ tha.

Yahweh nĩ agitagĩra arĩa matarĩ na ũmenyeru. Nĩ ndaniinĩtwo hinya, no we akĩhonokia.

Reke muoyo wakwa ũhurũke o rĩngĩ, Tondũ Yahweh nĩ anjĩkĩte maũndũ ma ũtugi.

Nĩ ũhonoketie kuuma harĩ gĩkuũ, Nĩ ũtũmĩte riitho rĩakwa rĩtige gũita maithori, na ũkagirĩrĩria kũgũrũ gwakwa gũtikahĩngwo.

Ndĩrĩthiaga ndĩ mbere ya Yahweh bũrũri-inĩ wa arĩa marĩ muoyo.

Nĩ ndaarĩ na wĩtĩkio, na nĩkĩo ndaririe; Nĩ ndanyamarĩkĩte mũno.

Niĩ-rĩ, ndamakire ngiuga ũũ: “Andũ othe nĩ aheenania.”

Hihi ngũrĩha Yahweh na kĩĩ Tondũ wa maũndũ marĩa mothe mega anjĩkĩire?

Nĩ nguoya gĩkombe kĩa ũhonokio, Na nĩ ngũkaĩra rĩĩtwa rĩa Yahweh.

Nĩ ngũhingĩria Yahweh mĩĩhĩtwa yakwa Ndĩ mbere ya andũ ake othe.

Gĩkuũ kĩa andũ ake arĩa ehokeku Nĩ kĩa goro mũno maitho-inĩ ma Yahweh.

Nĩ ndagũthaitha, wee Yahweh, Tondũ niĩ ndĩ ndungata yaku. Ndĩ ndungata yaku, mũriũ wa ngombo yaku ya mũirĩtu. Nĩ ũnjohorete kuuma mĩnyororo-inĩ yakwa.

Nĩ ngũkũrutĩra igongona rĩa gũcokia ngatho; Nĩ ngũkaĩra rĩĩtwa rĩa Yahweh.

Nĩ ngũhingĩria Yahweh mĩĩhĩtwa yakwa Ndĩ mbere ya andũ ake othe,

Ndĩ nja-inĩ cia nyũmba ya Yahweh, Thĩinĩ waku, wee Yahrushalayim. Goocai Yahweh!