Thaburi 120
1
Ndakaĩire Yahweh rĩrĩa ndĩ hatĩka-inĩ, Nake akĩnjigua.
2
Yahweh-ĩ, teithũra ngoro kuuma harĩ mĩromo ĩrĩa ĩheenanagia Na kuuma harĩ rũrĩmĩ rũrĩa rũhinga.
3
Hihi ũkaheo kĩ, na agaakũherithia atĩa, Wee rũrĩmĩ rũrũ rwaragia maheeni?
4
Agaakũherithia na mĩguĩ mĩnoore ya njamba ya ita Na makara marakana ma mũtĩ wa mwethia.
5
Kaĩ ndĩ na haaro-ĩ, tondũ ndũũrĩte ta mũgeni bũrũri-inĩ wa Mesheki! Ngoretwo ngĩikara hema-inĩ cia Kedari.
6
Nĩ njikarĩte ihinda iraihu mũno Hamwe na arĩa mathũire thayũ.
7
Niĩ nyendete thayũ, no rĩrĩa ndaria, O makoragwo makĩenda mbaara.