Thaburi 124
1
“Korũo Yahweh ndaarĩ hamwe na ithuĩ” — ta Isiraeli rĩu nĩ moige—
2
“Korũo Yahweh ndaarĩ hamwe na ithuĩ Rĩrĩa andũ maarahũkire nĩguo matũtharĩkĩre,
3
Nĩ mangĩatũmeririe tũrĩ muoyo Hĩndĩ ĩyo maacinagwo nĩ marakara nĩ ũndũ witũ.
4
Namo maĩ nĩ matũhobanĩirie, Nĩ twahumbĩrirũo nĩ mũiyũro wa maĩ.
5
Mariya macio megũgũmi nĩ mangĩatooririe mĩoyo itũ.
6
Yahweh arorathimwo! Nĩ gũkorũo ndatũneanĩte magego-inĩ mao tũtambuuranio ta kĩndũ kĩa ihĩta.
7
Ithuĩ tũtariĩ ta nyoni ĩĩtharĩte Kuuma mũtego-inĩ wa mũhĩti; Mũtego nĩ woinĩkangire, Na ithuĩ tũgĩĩthara.
8
Ũteithio witũ uumaga harĩ rĩĩtwa rĩa Yahweh, Mũũmbi wa igũrũ na thĩ.”