Thaburi 125
1
Andũ arĩa mehokaga Yahweh Matariĩ ta Kĩrĩma gĩa Zayuni, kĩrĩa gĩtangĩenyenyeka No gĩtũũraga tene na tene.
2
O ta ũrĩa irĩma ithiũrũrũkĩirie Yahrushalayim, No taguo Yahweh athiũrũrũkĩirie andũ ake Kuuma rĩu nginya tene na tene.
3
Mũthĩgi wa waganu ndũgũtũũra igũrũ rĩa bũrũri ũrĩa ũgaĩirũo andũ arĩa athingu, Nĩgetha acio athingu matikanagarũrũke mambĩrĩrie gwĩka ũndũ ũrĩa mũũru.
4
Rĩu Yahweh, ĩka maũndũ mega harĩ andũ arĩa ega, Harĩ arĩa arũngĩrĩru ngoro.
5
No andũ arĩa magarũrũkaga makambĩrĩria kũrũmĩrĩra njĩra ciao njogomu, Yahweh nĩ akaameheria o hamwe na andũ arĩa mekaga maũndũ moru. Isiraeli kũrogĩa na thayũ.