Thaburi 127
1
Tiga nyũmba yakirũo nĩ Yahweh, Amĩaki merutanagĩria o tũhũ kũmĩaka. Tiga itũũra rĩrangĩirũo nĩ Yahweh, Mũrangĩri araraga eiguĩte o tũhũ.
2
Nĩ ũndũ wa tũhũ atĩ mũũkagĩra tene, Na mũgakoma mũcereirũo, Mũkenogia gũcaria irio, Nĩ gũkorũo we nĩ aheaga andũ arĩa endete irio o na akamahe toro.
3
Takĩrorei muone, ciana nĩ igai kuuma kũrĩ Yahweh; Maciaro ma nda nĩ ngerenwa.
4
O ta mĩguĩ ĩrĩ guoko-inĩ kwa njamba, Noguo ciana itariĩ iria mũndũ agĩĩte nacio arĩ mwĩthĩ.
5
Kũrathimwo nĩ mũndũ ũrĩa ũiyũragia thiaka wake mĩguĩ. Matigaaconorithio, Nĩ gũkorũo matingĩconoka rĩrĩa megũcira na thũ ciao thome-inĩ.