Thaburi 128
1
Kũrathimwo nĩ mũndũ ũrĩa wothe wĩtigĩrĩte Yahweh, Ũrĩa ũgeragĩra njĩra-inĩ Ciake.
2
Ũrĩrĩaga kĩrĩa moko maku marutĩire wĩra na kĩyo. Nĩ ũrĩkenaga na ũkagaacĩra.
3
Mũtumia waku arĩkoragwo atariĩ ta mũthabibũ ũrĩa ũciaraga mũno thĩinĩ wa nyũmba yaku; Nao ariũ aku makorũo matariĩ ta mĩtamaiyũ ya mũmerano ĩthiũrũrũkĩirie metha yaku.
4
Onei, mũndũ ũrĩa wĩtigĩrĩte Yahweh Ũguo nĩguo arĩrathimagwo.
5
Yahweh nĩ egũkũrathima e kũu Zayuni. Wĩyonere wega wa Yahrushalayim matukũ-inĩ mothe ma muoyo waku
6
Ĩĩni, ona wone ciana cia ciana ciaku! Isiraeli kũrogĩa na thayũ.