Thaburi 13
1
Atĩrĩrĩ Yahweh, nĩ nginya rĩ ũgũtũũra ũriganĩirũo nĩ niĩ? Hihi nĩ nginya tene na tene? Nĩ nginya rĩ ũgũtũũra ũhithĩte ũthiũ waku kuuma harĩ niĩ?
2
Nĩ nginya rĩ ngũtũũra ndĩ na mĩtangĩko, Ndĩ na kĩeha ngoro-inĩ yakwa o mũthenya? Nĩ nginya rĩ thũ yakwa ĩgũtũũra ĩndooretie?
3
Wee Yahweh Kĩhoti wakwa, ndora na ũnjokerie. Ĩkĩra maitho makwa ũtheri, nĩguo ndigakome toro wa gĩkuũ,
4
Nĩgetha thũ yakwa ndĩkoige atĩrĩ: “Nĩ ndĩmũhootete!” Ndũkareke thũ ciakwa ikenere kũgũa gwakwa.
5
Niĩ-rĩ, ũtugi waku nĩguo ndĩhokete ; Ngoro yakwa nĩ ĩrĩkenagĩra ciĩko ciaku cia kũhonokania.
6
Nĩ ngũinĩra Yahweh, nĩ gũkorũo nĩ andanahĩire mũno.