Thaburi 12

Atĩrĩrĩ Yahweh, ndakũhoya ũũhonokie, tondũ gũtirĩ mũndũ mũthingu ũtigarĩte; Andũ ehokeku nĩ mathirĩte gatagatĩ-inĩ ka andũ.

Andũ maragia maheeni mũndũ na ũrĩa ũngĩ; Maragia ciugo cia kĩgaathi na mĩromo yao na makaria marĩ na ngoro irĩ na maheeni.

Yahweh nĩ akaaniina mĩromo yothe ĩrĩa yaragia na kĩgaathi O hamwe na rũrĩmĩ rũrĩa rwaragia na mwĩtĩo mũnene,

Arĩa moigaga atĩrĩ: “Nĩmĩ citũ nĩ igũtũteithia kũgaacĩra. Tũhũthagĩra mĩromo itũ ũrĩa tũkwenda; Nũũ ũngĩtuĩka mwathi witũ?”

“Tondũ andũ arĩa matarĩ hinya nĩ mahinyĩrĩirio, Tondũ arĩa athĩni nĩ maracaya, Nĩ ngwarahũka njoe ikinya,” ũguo nĩguo Yahweh ekuuga. “Nĩ ngũmahonokia kuuma harĩ arĩa mamanyararaga.”

Ciugo cia Yahweh nĩ thuranĩre biũ; Ihaana ta betha ĩthereirio riiko-inĩ rĩa rĩũmba, ĩgatherio maita mũgwanja.

Wee Yahweh nĩ ũkũmagitĩra; Ũkũgitĩra o ũmwe wao kuuma harĩ rũciaro rũrũ nginya tene na tene.

Andũ arĩa aganu mathiaga gũtarĩ mũndũ ũkũmoria Tondũ ariũ a andũ nĩ manyitaga mbaru maũndũ ma waganu.