Thaburi 11

Niĩ njũrĩire harĩ Yahweh. Nĩ kĩĩ kĩngĩgĩtũma mũnjĩre atĩrĩ: “Ũmbũka o ta nyoni ũũrĩre kĩrĩma-inĩ gĩaku!

Ta rora ũrĩa andũ arĩa aganu makũnjaga ũta; Mekĩraga mũguĩ wao rũrigi-inĩ rwa ũta, Nĩguo marĩ nduma-inĩ marathe andũ arĩa arũngĩrĩru ngoro.

Rĩrĩa mĩthingi yamomorũo-rĩ, Mũndũ ũrĩa mũthingu angĩka atĩa?”

Yahweh arĩ thĩinĩ wa hekarũ yake nyamũre. Gĩtĩ kĩa ũnene kĩa Yahweh kĩrĩ kũrĩa igũrũ. Maitho make mwene nĩ monaga, maitho make marĩa maikaraga macũthĩrĩirie nĩ mathuthuragia ariũ a andũ.

Yahweh athuthuragia mũndũ ũrĩa mũthingu o na ũrĩa mwaganu; Nĩ athũire mũndũ o wothe wendete ũhinya.

Nĩ akoirĩria andũ arĩa aganu mĩtego; Mwaki na ũbiriti na rũhuho rũrĩa rũhiũ nĩcio igaatuĩka rwĩga rwa gĩkombe kĩao.

Tondũ Yahweh nĩ mũthingu; nĩ endete ciĩko cia ũthingu. Arĩa arũngĩrĩru nĩ makoona ũthiũ wake.