Thaburi 135

Hallelu-Yah! Goocai rĩĩtwa rĩa Yahweh; Mũgoocei, inyuĩ ndungata cia Yahweh,

Inyuĩ mũrũgamaga nyũmba-inĩ ya Yahweh, O inyuĩ mũrũgamaga nja-inĩ cia nyũmba ya Kĩhoti witũ.

HalleluYah, tondũ Yahweh nĩ mwega. Inai nyĩmbo mũkumie rĩĩtwa rĩake, tondũ nĩ rĩa gĩkeno.

Nĩ gũkorũo Yahu nĩ athuurĩte Jakubu atuĩke wake, Agathuura Isiraeli atuĩke inagĩ rĩake kĩũmbe.

Tondũ nĩ njũĩ wega atĩ Yahweh nĩ mũnene; Mwathi witũ nĩ atũgĩrĩte agakĩra ihoti iria ingĩ ciothe.

Yahweh ekaga ũrĩa wothe ekwenda gwĩka Igũrũ na gũkũ thĩ, iria-inĩ na kũndũ guothe kũrĩa kũriku mũno.

Atũmaga matu mambate kuuma ituri cia thĩ; Nĩ atũmaga kũgĩe rũheni hamwe na mbura; Arehaga rũhuho kuuma thitoo-inĩ ciake.

Nĩ ooragire marigithathi ma Misiri, Ma andũ o na ma nyamũ.

Aatũmire thĩinĩ waku kũringwo ciama ona moorirũ, wee Misiri, Agĩũkĩrĩra Firauni na ndungata ciake ciothe.

Nĩ aaniinire ndũrĩrĩ nyingĩ Na akĩũraga athamaki maarĩ na hinya

—Sihoni mũthamaki wa Aamori, Ogu mũthamaki wa Bashani, Na mothamaki mothe ma Kanaani.

Aaheanire bũrũri wao ũtuĩke igai, Ũtuĩke igai kũrĩ andũ ake Isiraeli.

Rĩĩtwa rĩaku, wee Yahweh, rĩtũũraga tene na tene. Ngumo yaku, wee Yahweh, ĩtũũraga njiarũa-inĩ ciothe.

Nĩ gũkorũo Yahweh nĩ agaatetera andũ ake, Na nĩ agaacaĩra ndungata ciake.

Mĩhianano ya ndũrĩrĩ nĩ betha na thahabu, Wĩra wa moko ma andũ.

Nĩ ĩrĩ kanua, no ndĩngĩhota kwaria; Nĩ ĩrĩ maitho, no ndĩngĩhota kuona;

Nĩ ĩrĩ matũ, no ndĩngĩhota kũigua. Ndĩkoragwo na mĩhũmũ kanua-inĩ kayo.

Andũ arĩa mamĩthondekaga makaahaana o tayo, O hamwe na arĩa othe mamĩĩhokaga.

Inyuĩ nyũmba ya Isiraeli, kĩrathimei Yahweh! Inyuĩ nyũmba ya Haruni, mũtikĩrathime Yahweh!

Inyuĩ nyũmba ya Lawii, Tarathimai Yahweh! Inyuĩ mwĩtigĩrĩte Yahweh, HalleluYah!.

Yahweh arorathimwo kuuma Zayuni, Ũcio ũtũũraga Yahrushalayim. HalleluYah!