Thaburi 136

Cokeriai Yahweh ngatho, tondũ nĩ mwega; Tondũ ũtugi wake ũtũũraga tene na tene.

Cokeriai Kĩhoti ngatho, o we ũkĩrĩte ihoti iria ingĩ ciothe, Tondũ ũtugi wake ũtũũraga tene na tene.

Cokeriai Mwathi wa athani ngatho, Tondũ ũtugi wake ũtũũraga tene na tene.

We wiki nĩwe wĩkaga maũndũ manene ma magegania, Tondũ ũtugi wake ũtũũraga tene na tene.

O we ũrĩa wombire igũrũ na njĩra ya ũũgĩ, Tondũ ũtugi wake ũtũũraga tene na tene.

Aatambũrũkirie thĩ igũrũ rĩa maĩ, ũtugi wake ũtũũraga tene na tene.

Aathondekire motheri marĩa manene, Tondũ ũtugi wake ũtũũraga tene na tene,

Riũa rĩathanage mũthenya, Tondũ ũtugi wake ũtũũraga tene na tene,

Mweri na njata ciathanage ũtukũ, Tondũ ũtugi wake ũtũũraga tene na tene.

Nĩ ooragire marigithathi ma Misiri, Tondũ ũtugi wake ũtũũraga tene na tene.

Nĩ aarutire Isiraeli gatagatĩ-inĩ kao, Tondũ ũtugi wake ũtũũraga tene na tene,

Kũgerera guoko kũrĩ hinya, na guoko gũtambũrũkie, Tondũ ũtugi wake ũtũũraga tene na tene.

Nĩ aagayũkanirie Iria Itune icunjĩ igĩrĩ, Tondũ ũtugi wake ũtũũraga tene na tene.

Nĩ aatũmire Isiraeli magerere gatagatĩ karĩo, Tondũ ũtugi wake ũtũũraga tene na tene.

Nĩ aaikirie Firauni hamwe na mbũtũ yake thĩinĩ wa Iria Itune, Tondũ ũtugi wake ũtũũraga tene na tene.

Aatongoririe andũ ake amagereirie werũ-inĩ, Tondũ ũtugi wake ũtũũraga tene na tene.

Nĩ aaniinire athamaki anene, Tondũ ũtugi wake ũtũũraga tene na tene.

Nĩ ooragire athamaki maarĩ na hinya, Tondũ ũtugi wake ũtũũraga tene na tene,

Sihoni mũthamaki wa Aamori, Tondũ ũtugi wake ũtũũraga tene na tene,

Na Ogu mũthamaki wa Bashani, Tondũ ũtugi wake ũtũũraga tene na tene.

Nĩ aaheanire bũrũri wao ũtuĩke igai, Tondũ ũtugi wake ũtũũraga tene na tene.

Ũtuĩke igai kũrĩ Isiraeli ndungata yake, Tondũ ũtugi wake ũtũũraga tene na tene.

Nĩ aatũririkanire rĩrĩa tuorĩtwo nĩ hinya, Tondũ ũtugi wake ũtũũraga tene na tene.

Aaikaraga agĩtũhonokagia kuuma harĩ thũ citũ, Tondũ ũtugi wake ũtũũraga tene na tene.

Nĩ aheaga kĩrĩa gĩothe kĩrĩ muoyo irio, Tondũ ũtugi wake ũtũũraga tene na tene.

Cokeriai El wa igũrũ ngatho, Tondũ ũtugi wake ũtũũraga tene na tene.