Thaburi 137

Ngurumo-inĩ cia njũũĩ cia Babuloni, nĩho twaikarire thĩ. Na tũkĩrĩra twaririkana Zayuni.

Mĩtĩ-inĩ ya mĩcũgũcũgũ ĩrĩa yarĩ kũu, Nĩho twacuuragia inanda citũ cia mũgeeto.

Tũrĩ kũu arĩa maatũtahĩte nĩ maatwĩraga tũmainĩre rwĩmbo, Acio maatũnyũrũragia nĩ meendaga tũmakenie magatwĩra: “Tũinĩrei rwĩmbo rũmwe rwa Zayuni.”

Tũngĩina atĩa rwĩmbo rwa Yahweh Tũrĩ bũrũri-inĩ wa ũgeni?

Ingĩriganĩrũo nĩwe, wee Yahrushalayim, Guoko gwakwa kwa ũrĩo kũroriganĩrũo nĩ waara wakuo.

Rũrĩmĩ rwakwa rũromaamĩrĩra karakara-inĩ ingĩaga gũkũririkana, Ingĩaga gũtũgĩria Yahrushalayim igũrũ rĩa indo iria cingenagia mũno.

Atĩrĩrĩ Yahweh, ririkana Ũndũ ũrĩa Aedomu mooigire mũthenya ũrĩa Yahrushalayim yagũire: “Mĩmomorei! Mĩmomorei nginya mĩthingi yayo!”

Wee mwarĩ wa Babuloni, o wee ũkiriĩ kwanangwo, Kũrathimwo nĩ mũndũ ũrĩa ũgaakũrĩha Na ũũru o ta ũrĩa watwĩkire.

Kũrathimwo nĩ mũndũ ũrĩa ũkoya tũkenge twaku atũtengemanie mahiga-inĩ.