Thaburi 145
Nĩ ngũgũtũũgĩria wee Kĩhoti wakwa, o wee Mũthamaki, Ngũtũũra ndathimaga rĩĩtwa rĩaku tene na tene. ב [Beth]
Ngũtinda ngĩkũrathima mũthenya wothe; Ndũre ngumagia rĩĩtwa rĩaku tene na tene. ג [Gimel]
Kũnenega nĩ Yahweh na nĩ agĩrĩire gũtũũgĩrio mũno; Ũnene wake ndũngĩthuthuurĩka. ד [Daleth]
Rũciaro o rũciaro nĩ rũrĩkumagia mawĩko maku; Rũgakĩmenyithanagia ũhoro wa ciĩko ciaku cia hinya. ה [He]
Nĩ kumbũra ngumbũra ũhoro wa ũtĩĩku waku na ũkaru waguo wĩ riri, Na nĩ ndĩrĩĩcũranagia ũhoro wa mawĩko maku ma magegania. ו [Waw]
Nĩ marĩaragia ũhoro wĩgiĩ ciĩko ciaku cia itua nda, Na niĩ nĩ ngamenyithania ũhoro wa ũnene waku. ז [Zayin]
Maitũrũraga ciugo cia kĩririkano kĩa wega waku mũingĩ, Magakũngũiya nĩ ũndũ wa ũthingu waku. ח [Heth]
Yahweh nĩ muuma-andũ na nĩ mũcayanĩri, Ndahiũhaga kũrakara na ũtugi wake nĩ mũnene. ט [Teth]
Yahweh nĩ ekaga andũ othe wega, Na tha ciake agakinyĩria mawĩko-inĩ make mothe. י [Yod]
Mawĩko maku mothe nĩ magĩgũkumie, wee Yahweh, Na andũ aku arĩa mũiguaine nao nĩ makũrathime. כ [Kaph]
Nĩ marĩmenyithanagia ũhoro wa riri wa ũthamaki waku Na magateretaga ũhoro wĩgiĩ hinya waku. ל [Lamed]
Nĩguo mamenyithie andũ ũhoro wĩgiĩ ciĩko ciaku cia hinya O hamwe na riri wa ũkaru wa ũthamaki waku. מ [Mem]
Ũthamaki waku nĩ ũthamaki wa gũtũũra tene na tene, Na wathani waku nĩ wa gũtũũra njiarũa-inĩ ciothe. ס [Samekh]
Yahweh nĩ atiiragĩrĩra arĩa othe maragũa Na akainamũra arĩa othe mekonotete. ע [Ayin]
Maitho mothe nĩwe macũthagĩrĩria marĩ na mwĩhoko; Ũmaheaga irio ciao hĩndĩ ĩrĩa yagĩrĩire. פ [Pe]
Ũkumbatũraga guoko gwaku Na ũkahingia merirĩria ma kĩndũ gĩothe kĩrĩ muoyo. צ [Tsade]
Yahweh nĩ mũthingu njĩra-inĩ ciake ciothe Na nĩ mwĩhokeku maũndũ-inĩ mothe marĩa ekaga. ק [Qoph]
Yahweh akoragwo hakuhĩ na arĩa othe mamũkayagĩra, Akoragwo hakuhĩ na arĩa othe mamũkayagĩra mena ũhoro wa ma. ר [Resh]
Nĩ ahingagia merirĩria ma arĩa mamwĩtigĩrĩte makamũtĩa; Nĩ aiguaga kĩrĩro kĩao gĩa kũhoya ũteithio, na akamahonokia. ש [Shin]
Yahweh nĩ agitagĩra arĩa othe mamwendete, No nĩ akaananga arĩa othe aganu. ת [Taw]
Kanua gakwa karĩtumũkaga ũhoro wa gũkumia Yahweh; Kĩndũ o gĩothe kĩrĩ muoyo ta nĩ gĩtũũre kĩrathimĩte rĩĩtwa rĩake rĩamũre tene na tene.