Thaburi 146

HalleluYah! Wee ngoro yakwa-rĩ kĩgooce Yahweh.

Ngũtũũra ngoocaga Yahweh hĩndĩ ĩrĩa ngũikara muoyo. Ndĩrĩinaga nyĩmbo cia gũkumia Kĩhoti wakwa ihinda rĩrĩa rĩothe ngũtũũra muoyo.

Mũtikaigage mwĩhoko wanyu harĩ anene Kana harĩ mwana wa mũndũ, o ũcio ũtangĩhota kũrehe ũhonokio.

Roho wake uumaga, agacoka tĩri-inĩ o kũrĩa oimite; Mũthenya o ro ũcio mathugunda make magathira.

Kũrathimwo nĩ mũndũ ũrĩa El wa Jakubu arĩ we mũteithia wake, Ũrĩa ũigaga kĩĩrĩgĩrĩro gĩake harĩ Yahweh Kĩhoti wake,

Mũũmbi wa igũrũ na thĩ, Wa iria, na kĩrĩa gĩothe kĩrĩ thĩinĩ wacio, Ũcio ũtũũraga arangĩire ũhoro wa ma hingo ciothe,

O we ũtuagĩra arĩa ahinyĩrĩrie na matua make ma cira marũngĩrĩru, Ũrĩa ũheaga andũ arĩa ahũtu mũgate. Yahweh nĩ ohoraga arĩa mohetwo.

Yahweh nĩ ahingũraga maitho ma arĩa atumumu; Yahweh nĩ ainamũraga arĩa mekonotete; Yahweh nĩ endete andũ arĩa athingu.

Yahweh nĩ agitagĩra ageni; Mwana wa ngoriai na mũtumia wa ndigwa nĩwe ũmatĩithagia, Ĩndĩ nĩ kũhotomia ahotomagia njĩra ya andũ arĩa aganu.

Yahweh egũtũũra arĩ Mũthamaki tene na tene, Kĩhoti waku, wee Zayuni, nginya njiarũa na njiarũa. HalleluYah!