Thaburi 147

HalleluYah! tondũ nĩ wega kũinĩra Kĩhoti witũ nyĩmbo cia kũmũkumia; Nĩ ũndũ ũiguithagia ngoro wega-Kũmũkumia nĩ ũndũ ũmwagĩrĩire!

Yahweh nĩwe wakaga Yahrushalayim; agacokanĩrĩria Isiraeli arĩa aingate.

Nĩ ahonagia arĩa mathuthĩkĩte ngoro; Nĩ ohaga nguraro ciao.

Nĩ atuaga mũigana wa njata; Ciothe agacihe marĩĩtwa.

Mwathi witũ nĩ mũnene akagĩa ũhoti mũno; Ũtaũku wake ndũrĩ gĩturi.

Yahweh nĩwe ũtũũgagĩria arĩa ahoreri akamanyitĩrĩra, No arĩa aganu nĩ kũmarũnda amarũndaga thĩ.

Gĩcokeriei Yahweh ũhoro na kũmũcokeria ngatho; Inĩrai Kĩhoti witũ nyĩmbo mũmũgooce, mũkĩhũũraga kĩnanda kĩa mũgeeto,

O we ũhumbagĩra igũrũ na matu, Ũrĩa we ũthagathagĩra thĩ mbura, O ũcio ũtũmaga nyeki ĩthundũke kũu irĩma-inĩ.

Nĩ aheaga nyamũ irio ciacio, O na tũcui twa mahuru rĩrĩa twakaya agatũhe gĩa kũrĩa.

Hinya wa mbarathi tiguo ũmũkenagia; Kana akaiguithio wega nĩ ikere cia mũndũ.

Yahweh aiguithagio wega nĩ arĩa mamũtĩĩte, O arĩa metagĩrĩra ũtugi wake.

Kĩrahe ngumo ya Yahweh, wee Yahrushalayim! Kumia Kĩhoti waku, wee Zayuni.

Amu nĩ ekĩrĩte mĩgĩĩko ya ihingo ciaku cia itũũra hinya; Nĩ arathimĩte ciana ciaku o ũkĩyonagĩra.

Nĩ arehaga thayũ thĩinĩ wa ndere cia gĩcigo gĩaku; Akũhũnagia ngano ĩrĩa njega biũ.

Nĩ gũtũma atũmaga rĩathani rĩake gũkũ thĩ; Ũhoro wake ũkahiũka narua mũno.

We atũmaga mbarabu ĩitĩke ĩkahaana ta guoya wa ng’ondu; Ahurunjaga mbaa o ta mũhu.

Aikũrũkagia mbembe cia mbura itariĩ ta cienyũ cia mũgate. Nũũ ũngĩhota gwĩtiiria heho yake?

Atũmaga kiugo gĩake, nacio igatweka. Atũmaga rũhuho rwake rũhurutane, namo maĩ magatherera.

Ũhoro wake nĩ Jakubu oimagĩrĩria, Na akamenyithia Isiraeli mawatho na matuĩro make ma cira.

Ndarĩ eka ũguo harĩ rũrĩrĩ rũngĩ o ruothe; Ndũrĩrĩ itiũĩ ũndũ o na ũmwe wĩgiĩ matuĩro make na cira. HalleluYah!