Thaburi 149

HalleluYah! Inĩrai Yahweh rwĩmbo rwerũ; Mũkĩmũkumĩrie kĩũngano-inĩ kĩa arĩa me ũiguano nake.

Isiraeli ta nĩakenere ũcio wamoombire; Ciana cia Zayuni-rĩ, nĩ igĩcanjamũkĩre Mũthamaki wao.

Nĩ marekwo makumie rĩĩtwa rĩake rwĩmbo-inĩ; Na mamũinĩre nyĩmbo cia kũmũkumia mena tũhembe na makĩhũũraga kĩnanda kĩa mũgeeto.

Tondũ Yahweh nĩaiguaga wega nĩ kĩrĩndĩ gĩake. Nĩ agemagia arĩa ahooreri na ũhonokio.

Arĩa maiguaine nake-rĩ, ta nĩ makene mũno nĩ ũndũ wa riri ũcio wake; Nĩ makũngũiye manĩrĩire marĩ marĩrĩ-inĩ mao.

Nyĩmbo cia gũtũũgiria El nĩ ikorũo mĩmero-inĩ yao, Na rũhiũ rwa njora rũnooretwo mbarĩ cierĩ rũkorũo guoko-inĩ kwao,

Nĩguo makinyĩrie ndũrĩrĩ mũrĩhanĩrio Na maherithia kũrĩ irĩndi cia thĩ,

Mohe athamaki ao na mĩnyororo Na andũ ao arĩa marĩ igweta mamohe na bĩngũ cia kĩgera,

Nĩguo mamahingĩrie ituĩro irũngĩrĩru rĩrĩa mandĩkĩirũo. Gĩtĩo kĩu nĩ kĩa andũ ake othe arĩa maiguaine nake. HalleluYah!