Thaburi 30

Nĩ ngũgũtũũgĩria, wee Yahweh, tondũ nĩ ũnjoete ũkanyambararia na igũrũ; Ndwarekire thũ ciakwa ithekerere.

Nĩ ndagũkaĩire ũndeithie wee Yahweh Kĩhoti wakwa, nawe ũkĩhonia.

Wee Yahweh nĩ nĩũkũũrĩte muoyo wakwa kuuma Mbĩrĩra-inĩ. Nĩ wandũũririe muoyo; ũkĩgiria ndikĩre irima-inĩ.

Inai nyĩmbo cia kũgooca Yahweh, inyuĩ andũ ake amũre, Cokeriai rĩĩtwa rĩake rĩamũre ngatho;

Tondũ kũrakarĩrũo nĩwe no gwa kahinda kanini, Ĩndĩ mĩtuganĩre yake nĩ ya gũtũũria mũndũ muoyo. Kĩrĩro no gĩũke hwaĩ-inĩ, no rũcinĩ nĩ ngemi

Hĩndĩ ĩrĩa itaarĩ na thĩna ndoigire atĩrĩ: “Gũtirĩ hĩndĩ ngenyenyeka.”

Atĩrĩrĩ Yahweh, rĩrĩa ndetĩkĩrĩkĩte harĩ wee, watũmĩte ngĩe na hinya o ta kĩrĩma. No rĩrĩa wahithire ũthiũ waku, ngĩnyitwo nĩ guoya.

Ndaikaraga ngĩgũkayagĩra, wee Yahweh; Na ngaikara ngĩthaithaga Yahweh anjiguĩre tha.

Nĩ ũguni ũrĩkũ ũngiumana na gĩkuũ gĩakwa, ingĩikũrũka irima-inĩ? Hihi rũkũngũ no rũkũgooce? Hihi no rũmenyithanie ũhoro waku wa ma?

Thikĩrĩria na ũnjiguĩre tha, wee Yahweh. Atĩrĩrĩ Yahweh, tuĩka mũndeithia.

Nĩ ũgarũrĩte gũcakaya gwakwa gũgatuĩka ndũrũhĩ; Nĩ ũndutĩte nguo ya ikũnia, ũkahumba gĩkeno,

Nĩgetha nyine nyĩmbo ngũgooce na ndigakire. Wee Yahweh Kĩhoti wakwa, ngũtũũra ngũgoocaga tene na tene.