Thaburi 31

Atĩrĩrĩ Yahweh, niĩ njũrĩire harĩ wee. Ndũkanareke njonorithio. Honokia nĩ ũndũ wa ũthingu waku.

Ndegera gũtũ gwaku. Ũka na ihenya ũũhonokie. Tuĩka kĩrĩma gĩakwa gĩa kwĩgitia, Ũtuĩke handũ harĩ na ũgitĩri nĩguo ũũhonokie.

Nĩ gũkorũo wee nĩwe ndũmba yakwa ya ihiga na mwĩgitio wakwa; Nĩ ũrĩndongoragia na ũkanyonereria njĩra nĩ ũndũ wa rĩĩtwa rĩaku.

Nĩ ũrĩhatũraga kuuma neti-inĩ ĩrĩa manjigĩire na hitho, Tondũ wee nĩwe handũ hakwa harĩa hairigĩre.

Nĩ ndaiga roho wakwa guoko-inĩ gwaku. Nĩ ũngũũrĩte wee Yahweh, Kĩhoti wa ũhoro wa ma.

Nĩ thũire arĩa merutagĩra harĩ mĩhianano ya tũhũ na ĩtarĩ kĩene, No niĩ-rĩ, ndĩhokaga Yahweh.

Nĩ ngũcanjamũka ngĩkenere ũtugi mũno, Nĩ gũkorũo nĩ wonete mĩnyamaro yakwa; Nĩ ũĩ mĩtangĩko yakwa ĩrĩa ya thĩinĩ mũno.

Ndũũneanĩte harĩ thũ, No ũtũmaga ndũgame handũ harĩ na ũgitĩri.

Njiguĩra tha wee Yahweh, nĩ gũkorũo ndĩ na mĩtangĩko. Kĩeha nĩ gĩtũmĩte maitho makwa mage hinya, na mwĩrĩ wakwa wothe o naguo.

Ũtũũro wakwa ũniinĩtwo nĩ kĩeha Na mĩaka yakwa ĩkaniinwo nĩ gũcaya. Hinya wakwa nĩ ũranyiha nĩ ũndũ wa mahĩtia makwa; Namo mahĩndĩ makwa makahinyara.

Nĩ nyũrũragio nĩ thũ ciakwa ciothe, Na makĩria andũ a itũũra ritũ. Na ngetigĩrũo nĩ andũ arĩa tũmenyanĩte nao; Rĩrĩa manyona mũingĩ-inĩ, no kũnjũrĩra manjũragĩra.

Nĩ manjeheretie ngoro-inĩ yao na makariganĩrũo nĩ niĩ, o ta ndĩ mũkuũ; Haana ta ndigithũ nguũ.

Nĩ njiguĩte ndeto nyingĩ njũru cia mũhuhu; Ndigicĩirio nĩ guoya. Hĩndĩ ĩrĩa macokanĩrĩra hamwe marĩ kĩndũ kĩmwe nĩguo manjũkĩrĩre, Mabangaga ũrĩa mekũnduta muoyo.

No niĩ nĩwe ndĩhokete, wee Yahweh. Njugaga atĩrĩ: “Wee nĩwe Kĩhoti wakwa.”

Matukũ makwa marĩ guoko-inĩ gwaku. Honokia kuuma guoko-inĩ gwa thũ ciakwa na kuuma harĩ arĩa manyariraga.

Tũma ũthiũ waku warĩre ndungata yaku. Honokia nĩ ũndũ wa tha ciaku nyingĩ .

Atĩrĩrĩ Yahweh, ndũkareke njonorithio rĩrĩa ndagũkaĩra. Andũ arĩa aganu maroconorithio; Marokirio thĩinĩ wa Mbĩrĩra.

Mĩromo ĩrĩa ĩheenanagia ĩroremwo nĩ kwaria, Mĩromo o ĩyo yaragia na mwĩtĩo kwerekera arĩa athingu, ĩkeyambararia na ĩkaria na kĩnyũrũri.

Kaĩ wega waku nĩ mũingĩ-ĩ! Ũigĩte wega ũcio nĩ ũndũ wa arĩa magwĩtigĩrĩte, Na nĩ ũwonanĩtie ariũ a andũ othe makĩĩyonagĩra, ũkawonania harĩ arĩa moragĩra harĩ wee.

Ũrĩmahithaga handũ ha hitho harĩa wee ũrĩ Ũkamahitha kuuma harĩ njama cia andũ; Ũrĩmahithaga hema-inĩ yaku Ũkamagitĩra kuumana na tharĩkĩro cia arĩa mendaga kũmeka ũũru.

Yahweh arogoocwo, Nĩ gũkorũo nĩ anyonetie ũtugi wake na njĩra ya magegania ndĩ thĩinĩ wa itũũra irigicĩrie.

Niĩ ndanyitirũo nĩ guoya ngiuga ũũ: “Nĩ ngũthira njehere mbere yaku.” No wee nĩ waiguire mathaithana makwa ma kũhoya ũteithio rĩrĩa ndagũkaĩire.

Endai Yahweh, inyuothe arĩa mwĩtĩkĩrĩkĩte nĩwe! Yahweh nĩ agitagĩra arĩa ehokeku, No mũndũ wothe wonanagia mwĩtĩo akamũthukĩra okũmũthukĩra

Gĩai na ũmĩrĩru, na ngoro cianyu ikorũo na hinya, Inyuothe arĩa mwetagĩrĩra Yahweh.