Thaburi 5

Atĩrĩrĩ Yahweh, thikĩrĩria ciugo ciakwa; Tega gũtũ ũigue gũcaya gwakwa.

Thikĩrĩria kĩrĩro gĩakwa gĩa kũhoya ũteithio, Wee Mũthamaki wakwa na Kĩhoti wakwa, tondũ nĩwe ndĩrahoya.

Atĩrĩrĩ Yahweh rũcinĩ nĩ ũrĩiguaga mũgambo wakwa; Nĩ ndĩkũmenyithagia mabataro makwa rũcinĩ na ngeterera ũnjokerie.

Nĩ gũkorũo wee ũrĩ Kĩhoti ũtakenagio nĩ waganu; Gũtirĩ mũndũ mũũru ũngĩtũũra hamwe nawe.

Gũtirĩ mũndũ mwĩtĩi ũngĩrũgama mbere yaku. Nĩ ũthũire arĩa othe mekaga maũndũ ma waganu;

Nĩ ũkaananga arĩa maragia maheeni. Yahweh nĩ athũire andũ arĩa mahũthagĩra ũhinya na arĩa maheenanagia.

No niĩ nĩ ngũtonya nyũmba yaku nĩ ũndũ wa ũrĩa ũtugi waku ũrĩ mũingĩ; Ngũinamĩrĩra ndorete hekarũ yaku nyamũre ndĩ na gĩtĩo kĩnene gũkwerekera.

Atĩrĩrĩ Yahweh, ndongoria na ũthingu waku tondũ wa thũ ciakwa; Njehereria mĩhĩnga njĩra-inĩ yaku.

Nĩ gũkorũo gũtirĩ ũndũ moigaga ũngĩĩhokwo; Thĩinĩ wao maiyũire o rũmena; Mũmero wao nĩ mbĩrĩra iceng'ũ; Maragia o ndeto cia kũgathanĩrĩria na rũrĩmĩ rwao

No Kĩhoti nĩ akaamatua ehia; Njama ciao ene nĩcio igaatũma magwe. Maroingatwo mehere tondũ wa mehia mao maingĩ, Nĩ gũkorũo nĩ makũremeire.

No arĩa othe moragĩra harĩ wee nĩ marĩkenaga; Marĩanagĩrĩra makenete hingo ciothe. Nĩ ũrĩmagitagĩra nĩguo matigakinyĩrĩke, Na arĩa mendete rĩĩtwa rĩaku nĩ macanjamũke nĩ ũndũ waku.

Nĩ gũkorũo wee Yahweh nĩ ũrĩrathimaga mũndũ o wothe mũthingu; Ũrĩmũrigicagĩria na gwĩtĩkĩrĩka gwaku o ta arĩ ngo nene.