Thaburi 52

Wee njamba ĩno ĩrĩ hinya, nĩ kĩĩ gĩtũmaga wĩrahe nĩ ũndũ wa maũndũ moru marĩa wĩkĩte? wega wa El ũkoragwo kuo mũthenya wothe.

Rũrĩmĩ rũu rwaku rũũgĩ ta kanyoi, Rũbangaga maũndũ moru na rũkaheenania.

Wee wendete maũndũ marĩa moru gũkĩra marĩa mega, Ũkenda kũheenania gũkĩra kwaria maũndũ marĩa magĩrĩru. (Sela)

Nĩ wendete kiugo o gĩothe gĩa gũtuurithia, Wee rũrĩmĩ rũrũ rwaragia maheeni!

Nĩkĩo El agaakwananga ũthire biũ; Agaakũhuria na akũrutũrũre hema-inĩ yaku; Agaakũmunya akweherie bũrũri-inĩ wa arĩa marĩ muoyo. (Sela)

Andũ arĩa athingu makoona ũndũ ũcio magege, Na nĩ magaathekerera mũndũ ũcio mwaganu moige atĩrĩ,

“Tainei! Mũndũ ũyũ nĩwe ũtaatuire Kĩhoti mwĩgitio wake, No eehokire ũtonga wake mũnene Na akĩiga mwĩhoko wake harĩ maũndũ moru marĩa aabangĩte.”

No niĩ ngũhaana ta mũtamaiyũ mũruru thĩinĩ wa nyũmba ya Kĩhoti; Ngũtũũra ndĩhokete tha cia Kĩhoti tene na tene.

Ngũtũũra ngũgoocaga tene na tene nĩ ũndũ wa ũrĩa wĩkĩte; Ndĩ mbere ya andũ aku arĩa amũre-rĩ, Nĩ ndĩrĩĩrĩgagĩrĩra rĩĩtwa rĩaku, tondũ nĩ rĩega.