Thaburi 56

Wũũũii Kĩhoti, njiguĩra tha, tondũ andũ nĩ maratharĩkĩra. Mũthenya wothe matindaga makĩrũa na niĩ na makahinyĩrĩria.

Thũ ciakwa cikaraga igĩtharĩkagĩra mũthenya wothe; Andũ aingĩ nĩ mararũa na niĩ marĩ na mwĩtĩo.

Hĩndĩ ĩrĩa ndaigua guoya, wee nĩwe ndĩhokaga.

Niĩ ndĩhokaga Kĩhoti, o ũcio ngoocaga kiugo gĩake; Ndĩhokaga Kĩhoti; ndingĩtigĩra. Mũndũ-rĩ, angĩkĩnjĩka atĩa hihi?

Mũthenya wothe maikaraga magĩthũkagia maũndũ makwa; Ũndũ ũrĩa tu meciragia nĩ kũnjĩka ũũru.

Mehithaga nĩguo maatharĩkĩre; Manduĩragia o ũrĩa ndĩrathiĩ, Merĩgĩrĩire kũnduta muoyo.

Kaĩ hihi kũngĩkĩhoteka atĩa maage kũherithĩrio waganu wao? Tengemania ndũrĩrĩ thĩ nĩ ũndũ wa marakara maku, wee Kĩhoti.

Kũũrũra gwakwa wee nĩ ũkũĩ. Cokanĩrĩria maithori makwa cuba-inĩ yaku. Na githĩ matiandĩkĩtwo ibuku-inĩ rĩaku?

Thũ ciakwa nĩ igaacoka na thutha ciũre mũthenya ũrĩa ngahoya ũteithio. Ũndũ ũyũ ndĩ na ma naguo: Kĩhoti arĩ mwena wakwa.

Niĩ ndĩhokaga Kĩhoti, o ũcio ngoocaga kiugo gĩake; Niĩ ndĩhokaga Yahweh, o ũcio ngoocaga kiugo gĩake

Ndĩhokaga Kĩhoti; ndingĩtigĩra. Mũndũ-rĩ, angĩkĩnjĩka atĩa hihi?

No mũhaka hingie mĩĩhĩtwa ĩrĩa ngwĩhĩtĩire, wee Kĩhoti; Nĩ ngũkũrutĩra magongona ma gũcokia ngatho.

Tondũ nĩ ũũhonoketie kuuma harĩ gĩkuũ Na ũkagirĩrĩria magũrũ makwa matikahĩngwo, Nĩgetha thiage ndĩ mbere ya Kĩhoti mũrĩkĩirũo nĩ ũtheri ũrĩa ũmũrĩkagĩra arĩa marĩ muoyo.