Thaburi 67
1
Kĩhoti nĩ egũtũiguĩra tha na atũrathime; Nĩ egũtũma ũthiũ wake ũtwarĩre (Sela)
2
Nĩguo njĩra yaku ĩmenyeke thĩinĩ wa thĩ yothe, Na ciĩko ciaku cia kũhonokania imenyeke gatagatĩ-inĩ ka ndũrĩrĩ ciothe.
3
Ikundi cia andũ irokũgooca, wee Kĩhoti; Ikundi ciothe cia andũ irokũgooca.
4
Ndũrĩrĩ nĩ icanjamũke na ikũngũiye ikenete, Nĩ gũkorũo nĩ ũgaatuĩra ikundi cia andũ na kĩhooto. Nĩ ũgaatongoria ndũrĩrĩ cia gũkũ thĩ. (Sela)
5
Ikundi cia andũ irokũgooca, wee Kĩhoti; Ikundi ciothe cia andũ irokũgooca.
6
Thĩ nĩ ĩkaaruta maciaro mayo; Kĩhoti, o we Kĩhoti witũ, nĩ agaatũrathima.
7
Kĩhoti nĩ agaatũrathima, Na andũ kuuma ituri ciothe cia thĩ nĩ makaamwĩtigĩra.