Thaburi 95

Ũkani, tũkũngũiye tũkenete nĩ ũndũ wa Yahweh! Nĩ twanĩrĩrei nĩ ũndũ wa ũhootani tũgooce Rwaro Rwitũ rwa Ihiga rwa ũhonokio.

Rekei tũthiĩ mbere yake tũrĩ na ngatho; Nĩ tũmũinĩrei na twanĩrĩre nĩ ũndũ wa ũhootani.

Nĩ gũkorũo Yahweh nĩ El mũnene, Nĩ Mũthamaki mũnene kũrĩ ihoti iria ingĩ ciothe.

Kũrĩa kũriku mũno thĩinĩ wa thĩ kũrĩ guoko-inĩ gwake; Tũcũmbĩrĩ twa irĩma nĩ twake.

Iria rĩrĩa oombire nĩ rĩake, Na moko make nĩmo moombire thĩ nyũmũ.

Ũkai tũthathaiye na tũinamĩrĩre; Nĩ tũturiei maru mbere ya Yahweh Mũũmbi witũ.

Nĩ gũkorũo nĩwe Kĩhoti witũ, Na ithuĩ tũrĩ andũ arĩa arĩithagia, Tũrĩ ng’ondu iria arũmbũyagia. Ũmũthĩ mũngĩthikĩrĩria mũgambo wake,

Mũtikomie ngoro yanyu ta ũrĩa gwekĩkire Meriba, O ta mũthenya wa Masa werũ-inĩ.

Rĩrĩa maithe manyu ma tene maangeririe; Nĩ maangeririe, o na gũtuĩka nĩ moonete mawĩko makwa.

Ihinda rĩa mĩaka 40 ndaikarire njirĩte ngoro nĩ ũndũ wa rũciaro rũu, na ngiuga atĩrĩ: “Acio nĩ andũ arĩa ngoro ciao itũũraga ciũrĩte njĩra; Matirĩ mamenya njĩra ciakwa.”

Nĩ ũndũ ũcio, ngĩĩhĩta nĩ ũndũ wa marakara makwa ngiuga ũũ: Matigaatonya kĩhurũko-inĩ gĩakwa.”