Thaburi 96

Inĩrai Yahweh rwĩmbo rwerũ. Inĩrai Yahweh, inyuĩ thĩ yothe!

Inĩrai Yahweh; Rathimai rĩĩtwa rĩake. Hunjagiai ũhoro mwega wa ũhonokio wake mũthenya o mũthenya.

Menyithaniai riri wake gatagatĩ-inĩ ka ndũrĩrĩ, Mũmenyithanie mawĩra make ma magegania gatagatĩ-inĩ ka ikundi ciothe cia andũ.

Yahweh nĩ mũnene na nĩ agĩrĩire mũno kũgoocagwo Nĩ wa gwĩtigĩrũo gũkĩra ihoti iria ingĩ ciothe.

Ĩhoti ciothe cia ikundi cia andũ nĩ ihoti itarĩ kĩene, Ĩndĩ Yahweh nĩwe wombire igũrũ.

Mbere yake hatũũraga ũtĩĩku o na ũkaru; Hinya na ũthaka igagĩtũũra kũu gwake kwamũre .

Hei Yahweh kĩrĩa kĩmwagĩrĩire, inyuĩ mbarĩ cia ikundi cia andũ, Hei Yahweh kĩrĩa kĩmwagĩrĩire tondũ wa riri o na hinya wake.

Hei Yahweh riri ũrĩa wagĩrĩire rĩĩtwa rĩake; Rehei kĩheo na mũũke nja-inĩ ciake.

Inamĩrĩrai Yahweh mwĩhumbĩte nguo nyamũre; Inainai mũrĩ mbere yake, inyuĩ thĩ yothe!

Menyithaniai ũũ gatagatĩ-inĩ ka ndũrĩrĩ: “Yahweh nĩ atuĩkĩte Mũthamaki! Thĩ nĩ ĩhandĩtwo ĩkarũma wega, ndĩngĩeherio. Nĩ agaatuĩra ikundi cia andũ na mwerekera mwega.”

Igũrũ nĩ rĩkene, nayo thĩ ĩcanjamũke; Iria nĩ rĩrurume o na kĩrĩa gĩothe kĩiyũrĩte thĩinĩ warĩo.

Werũ-inĩ nakuo nĩ gũkenũrũrũke hamwe na kĩrĩa gĩothe kĩrĩ kuo. Hĩndĩ o ro ĩyo mĩtĩ yothe ya mũtitũ nĩ yuge ngemi.

Mbere-inĩ ya Yahweh, tondũ nĩ aroka, Nĩ aroka gũtuĩra thĩ ciira. Nĩ agaatuanĩra ciira na ũthingu thĩinĩ wa thĩ ĩrĩa ĩikaragwo Nacio ikundi cia andũ acituĩre ciira na wĩhokeku wake.