Thaburi 97

Yahweh nĩ atuĩkĩte Mũthamaki! Thĩ nĩ ĩkene. Icigĩrĩra nyingĩ nĩ icanjamũke.

Athiũrũrũkĩirio nĩ matu o hamwe na matu mathimbu; Ũthingu na kĩhooto nĩcio mũthingi wa gĩtĩ gĩake kĩa ũnene.

Mwaki ũthiaga ũrĩ mbere yake Na ũkaniina thũ ciake mĩena yothe.

Heni ciake nĩ imũrĩkagĩra bũrũri; Thĩ yonaga ũndũ ũcio ĩkainaina.

Irĩma itwekaga o ta mũhũra mbere ya Yahweh, Mbere ya Mwathi wa thĩ yothe.

Igũrũ nĩ rĩmenyithanagia ũthingu wake, Nacio irĩndĩ ciothe cia andũ ikona riri wake.

Andũ arĩa othe matungatagĩra mĩhianano ya gwacũhio maroconorithio, Acio merahagĩra ihoti ciao itarĩ kĩene. Inyuĩ ihoti ici, mũinamĩrĩrei inyuothe.

Zayuni nĩ ĩiguaga na ĩgacanjamũka; Taũni cia Yahuda nĩ ikenete Nĩ ũndũ wa matuĩro maku, wee Yahweh.

Nĩ gũkorũo wee Yahweh, nĩwe Ũrĩa ũrĩ Igũrũ Mũno, o igũrũ rĩa thĩ yothe; Nĩ ũtũũgĩrĩte mũno gũkĩra ihoti iria ingĩ ciothe.

Inyuĩ arĩa mwendete Yahweh-rĩ, thũũrai ũndũ ũrĩa mũũru. Nĩ agitagĩra mĩoyo ya andũ ake arĩa marĩ ũiguano nake; Nĩ amahonokagia kuuma harĩ guoko kwa arĩa aganu.

Ũtheri nĩ warĩire andũ arĩa athingu Nakĩo gĩkeno gĩkaara harĩ andũ arĩa arũngĩrĩru ngoro.

Kenai nĩ ũndũ wa Yahweh, inyuĩ andũ arĩa athingu, Na mũcokagie ngatho hingo ya Kĩririkanio kĩa Rĩĩtwa Rĩake Rĩamũre.