Thimo 31
Ici nĩ ciugo cia Mũthamaki Lemueli, ndũmĩrĩri nditũ ĩrĩa nyina amũrutire:
Ngũkwĩra atĩa, wee mũrũ wakwa? Rĩu atĩa, wee mwana wa nda yakwa? Ningĩ ngũkwĩra atĩa, wee mwana wa mĩĩhĩtwa yakwa?
Ndũkaheane hinya waku kũrĩ andũ-a-nja, O na kana ũnyarire mĩthiĩre yaku na acio maninaga athamaki.
Atĩrĩrĩ Lemueli, ti ũndũ mwagĩrĩru harĩ athamaki, Ti ũndũ mwagĩrĩru harĩ athamaki kũnyuaga ndibei O na ti ũndũ mwagĩrĩru harĩ arĩa marathana kũũria atĩrĩ, “Njohi yakwa ĩrĩa ndũrũ ĩkũ?”
Nĩguo matikanyue mariganĩrũo nĩ ũrĩa watho uugĩte, Na mogomie ihooto cia andũ arĩa anyamariku.
Njohi mĩheagei andũ arĩa marathira Nayo ndibei mũmĩheage andũ arĩa marĩ na kĩeha kinene mũno ngoro.
Reke akĩnyue ariganĩrũo nĩ ũthĩni wake; Na atige kũririkana mathĩna make rĩngĩ.
Arĩrĩria arĩa matangĩhota kwĩyarĩrĩria; Tetera ihooto cia arĩa othe matigĩtwo oiki.
Tumũra kanua gaku ũtuanĩre ciira na ũthingu; Tetera ihooto cia andũ arĩa athĩni na arĩa abataru na arĩa agiĩki. א [Aleph]
Mũtumia ngatha-rĩ, nũũ ũngĩmuona? Thogora wake nĩ mũnene mũno gũkĩra ruru ĩrĩa ndune. ב [Beth]
Mũthuri wake amwĩhokete na ngoro yake yothe, Na gũtirĩ kĩndũ kĩa bata mũthuri ũcio agaga. ג [Gimel]
Ekagĩra mũthuriwe maũndũ mega, no ti moru, Matukũ-inĩ mothe ma ũtũũro wake. ד [Daleth]
Nĩ acaragia guoya wa ng’ondu o na ndigi cia ũguta; Nĩ akenagĩra kũruta wĩra na moko make. ה [He]
Atariĩ ta meri cia Tarishishi, Athũgũraga irio ciake kuuma kũndũ kũraya. ו [Waw]
Ningĩ okagĩra rũcinĩ tene kũrĩ o nduma, Akaharĩrĩria andũ a nyũmba yake irio Na ndungata ciake cia airĩtu agacihe rwĩga rwacio onacio. ז [Zayin]
Ecũranagia ũhoro wa mũgũnda mũno na akaũgũra; ahandaga mũgũnda wa mĩthabibũ kuumana na umithio wake we mwene. ח [Heth]
Nĩ eyohaga mũcibi njohero akeehe hinya nĩ ũndũ wa wĩra mũritũ, Na nĩ akaiyũria moko make hinya. ט [Teth]
Nĩ onaga atĩ wĩra wake wa kuonjorithia nĩ ũrĩ uumithio; Tawa wake ndũhoraga ũtukũ. י [Yod]
Atambũrũkagia Moko make akanyita mũtĩ wa kuogothithia uuthi rũrigi, Nakĩo gĩcũni gĩa kuogotha agakĩnyita na hĩ. כ [Kaph]
Nĩ atambũrũkagia guoko gwake akahe athĩni indo, nao arĩa mabataire akamakinyĩria ũteithio na moko make ל [Lamed]
Ndatangĩkaga nĩ ũndũ wa andũ a nyũmba yake rĩrĩa kwagĩa mbarabu, Nĩ gũkorũo andũ othe a nyũmba yake nĩ mehumbĩte nguo mũthemba ũrĩa mũtune cia ũrugarĩ. מ [Mem]
Nĩwe wĩtumagĩra macuka ma ũrĩrĩ. Nguo ciake nĩ cia ndigi iria njororo na iria cia rangi wa papũ. נ [Nun]
Mũthuri wake nĩ oĩkaine wega ihingo-inĩ cia itũũra, Na aikaraga thĩ hamwe na athuri a bũrũri. ס [Samekh]
Nĩ arĩtumaga na akendia nguo cia ndigi iria njororo Na aheage ahũũri biacara mĩcibi ya njohero. ע [Ayin]
Ehumbaga hinya na ũtĩĩku, Na nĩ ekenagĩra matukũ make ma kũrigĩrĩria. פ [Pe]
Atumũraga kanua gake na njĩra ya ũũgĩ wa ma; Watho wa Yahweh wa ũtugi ũkoragwo rũrĩmĩ-inĩ rwake. צ [Tsade]
Nĩ abaaraga mũno mĩthiĩre ya andũ a gwake mũciĩ, Na ndarĩaga mũgate wa ũgũta. ק [Qoph]
Ciana ciake irũgamaga ikamwĩta mũrathime; Mũthuri wake nake akarũgama akamũgaathĩrĩria. ר [Resh]
Nĩ kũrĩ arĩ aingĩ ngatha, No wee—wee nĩ ũmakĩrĩte othe. ש [Shin]
Ngoga nĩ cia kũheenania, naguo ũthaka nĩ wa tũhũ, No mũtumia ũrĩa wĩtigĩrĩte Yahweh nĩ arĩkumagio. ת [Taw]
Mũheagei maciaro ma moko make, Namo mawĩra make mamũkumagĩrie ihingo-inĩ cia itũũra.